Sutras
।।अथ प्रथमाध्याये, प्रथमाह्निकम्।।
प्रमाणप्रमेयसंशयप्रयोजनदृष्टान्तसिद्धान्तावयवतर्कनिर्णयवादजल्पवितण्डाहेत्वाभासच्छलजातिनिग्रहस्थानानांतत्त्वज्ञानान्निःश्रेयसाधिगमः 1/1/1
दुःखजन्मप्रवृत्तिदोषमिथ्याज्ञानानामुत्तरोत्तरापाये तदनन्तरापायादपवर्गः 1/1/2
प्रत्यक्षानुमानोपमानशब्दाः प्रमाणानि 1/1/3
इन्द्रियार्थसन्निकर्षोत्पन्नं ज्ञानपव्यपदेश्यमव्यभिचारि व्यवसायात्मकं प्रत्यक्षम् 1/1/4
अथ तत्पूर्वकं त्रिविधमनुमानं पूर्ववच्छेषवत् सामान्यतोदृष्टञ्च 1/1/5
प्रसिद्धसाधर्म्यात् साध्यसाधनमुपमानम् 1/1/6
आप्तोपदेशः शब्दः 1/1/7
स द्विविधो दृष्टादृष्टार्थत्वात् 1/1/8
आत्मशरीरेन्द्रियार्थबुद्धिमनः प्रवृत्तिदोषप्रेत्यभावफलदुःखापवर्गास्तु प्रमेयम् 1/1/9
इच्छाद्वेषप्रयत्नसुखदुःखज्ञानान्यात्मनो लिङ्गम् 1/1/10
चेष्टेन्द्रियार्थाश्रयः शरीरम् 1/1/11
घ्राणरसनचक्षुस्त्वक् श्रोत्राणीन्द्रियाणि भूतेभ्यः 1/1/12
पृथ्व्यापस्तेजो वायुराकाशमिति भूतानि 1/1/13
गन्धरसरूपस्पर्शशब्दाः पृथिव्यादिगुणास्तदर्थाः 1/1/14
बुद्धिरुपलब्धिर्ज्ञानमित्यनर्थान्तरम् 1/1/15
युगपज्ज्ञानानुत्पत्तिर्मनसो लिङ्गम् 1/1/16
प्रवृत्तिर्वाग्बुद्धिशरीराम्भः 1/1/17
प्रवर्तनालक्षणा दोषाः 1/1/18
पुनरुत्पत्तिः प्रेत्यभावः 1/1/19
प्रवृत्तिदोषजनितोऽर्थः फलम् 1/1/20
बाधनालक्षणंदुःखम् 1/1/21
तदत्यन्तविमोक्षोऽपवर्गः 1/1/22
समानानेकधर्मोपपत्तेर्विप्रतिपत्तेरुपलब्ध्यनुपलब्ध्यव्यवस्थातश्च विशेषापेक्षो विमर्शः संशयः 1/1/23
यमर्थमधिकृत्य प्रवर्तते तत् प्रयोजनम् 1/1/24
लौकिकपरीक्षकाणां यस्मिन्नर्थे बुद्धिसाम्यं स दृष्टान्तः 1/1/25
तन्त्राधिकरणाभ्युपगमसंस्थितिः सिद्धान्तः 1/1/26
स चतुर्विधः सर्वतन्त्रप्रतितन्त्राधिकरणाभ्युपगमसंस्थित्यर्थान्तरभावात् 1/1/27
सर्वतन्त्राविरुद्धस्तन्त्रेऽधिकृतोऽर्थः सर्वतन्त्रसिद्धान्तः 1/1/28
समानतन्त्रसिद्धःपरतन्त्रसिद्धःप्रतितन्त्रसिद्धान्तः 1/1/29
यत्सिद्धावन्यप्रकरणसिद्धिः सोऽधिकरणसिद्धान्तः 1/1/30
अपरीक्षिताभ्युपगमात्तद्विशेषपरीक्षणमभ्युपगमसिद्धान्तः 1/1/31
प्रतिज्ञाहेतुदाहरणोपनयनिगमनान्यवयवाः 1/1/32
साध्यनिर्देशः प्रतिज्ञा 1/1/33
उदाहरणसाधर्म्यात्साध्यसाधनं हेतुः 1/1/34
तथा वैधर्म्यात् 1/1/35
साध्यसाधर्म्यात्तद्धर्मभावी दृष्टान्त उदाहरणम् 1/1/36
तद्विपर्ययाद्वा विपरीतम् 1/1/37
उदाहरणापेक्षस्तथेत्युपसंहारो न तथेति वा साध्यस्योपनयः 1/1/38
हेत्वपदेशात्प्रतिज्ञायाः पुनर्वचनं निगमनम् 1/1/39
अविज्ञाततत्वेऽर्थे कारणोपपत्तितस्तत्त्वज्ञानार्थमूहस्तर्कः मूहस्तर्कः 1/1/40
विमृश्य पक्षप्रतिपक्षाभ्यामर्थावधारणं निर्णयः 1/1/41
।।अथ प्रथमाध्याये, द्वितीयमाह्निकम् ।।
प्रमाणतर्कसाधनोपालम्भः सिद्धान्ताविरुद्धः पञ्चावयवोवपन्नः पक्षप्रतिपक्षपरिग्रहो वादः1/2/1
यथोक्तोपपन्नश्छलजातिनिग्रहस्थानसाधनोपालम्भो जल्पः 1/2/2
स प्रतिपक्षस्थापनाहीनो वितण्डा 1/2/3
सव्यभिचारविरुद्धप्रकरणसमसाध्यसमकालातीता हेत्वाभासाः 1/2/4
अनैकान्तिकः सव्यभिचारः 1/2/5
सिद्धान्तमभ्युपेत्य तद्विरोधी विरुद्धः 1/2/6
यस्मात् प्रकरणचिन्ता स निर्णयार्थमपदिष्टः प्रकरणसमः 1/2/7
साध्याविशिष्टः साध्यत्वात्साध्यसमः 1/2/8
कालात्ययापदिष्टः कालातीतः 1/2/9
वचनविघातोऽर्थविकल्पोपपत्त्या छलम् 1/2/10
तत् त्रिविधं वाक्छलं सामान्यच्छलमुपचारच्छलञ्चेति 1_2_11
अविशेषाभिहितेऽर्थे वक्तुरभिप्रायादर्थान्तरकल्पना वाक्छलम् 1_2_12
सम्भवतोऽर्थस्यातिसामान्ययोगादसम्भूतार्थकल्पना सामान्यछलम् 1_2_13
धर्मविकल्पनिर्देशेऽर्थसद्भावप्रतिषेध उपचारच्छलम् 1_2_14
वाक्छलमेवोपचारच्छलं तदविशेषात् 1_2_15
न तदर्थान्तरभावात् 1_2_16
अविशेषे वा किञ्चित्साधर्म्यादेकच्छलप्रसङ्गः 1_2_17
साधर्म्यवैधर्म्याभ्यां प्रत्यवस्थानं जातिः 1_2_18
विप्रतिपत्तिरप्रतिपत्तिश्च निग्रहस्थानम् 1_2_19
तद्विकल्पाज्जातिनिग्रहस्थानबहुत्वम् 1_2_20
।। अथ द्वितीयाध्याये, प्रथमाह्निकम् ।।
समानानेकधर्माध्यवसायादन्यतरधर्माध्यवसायाद्वा न संशयः 2_1_1
विप्रतिपत्त्यव्यवस्थाध्यवसायाच्च 2_1_2
विप्रतिपत्तौ च सम्प्रतिपत्तेः 2_1_3
अव्यवस्थात्मनि व्यवस्थितत्वाच्चव्यवस्थायाः 2_1_4
तथाऽत्यन्तसंशयस्तद्धर्मसातत्योपपत्तेः 2_1_5
यथोक्ताध्यवसायादेव तद्विशेषापेक्षात् संशये नासंशयो नात्यन्तसंशयो वा 2_1_6
यत्र संशयस्तत्रैवमुत्तरोत्तरप्रसङ्गः 2_1_7
प्रत्यक्षादीनामप्रामाण्यं त्रैकाल्यासिद्धेः 2_1_8
पूर्वहि प्रमाणसिद्धौ नेन्द्रियार्थसन्निकर्षात्प्रत्यक्षोत्पत्तिः 2_1_9
पश्चात् सिद्धौ न प्रमाणेभ्यः प्रमेयसिद्धिः 2_1_10
युगपत्सिद्धौ प्रत्यर्थनियतत्वात् क्रमवृत्तित्वाभावो बुद्धीनाम् 2_1_11
त्रैकाल्यासिद्धेः प्रतिषेधानुपपत्तिः 2_1_12
सर्वप्रमाणप्रतिषेधाच्च प्रतिषेधानुपपत्तिः 2_1_13
तत्प्रामाण्ये वा न सर्वप्रमाणविप्रतिषेधः 2_1_14
त्रैकाल्याप्रतिषेधश्च शब्दादातोद्यसिद्धिवत्तत्सिद्धेः 2_1_15
प्रमेया च तुला प्रामाण्यवत् 2_1_16
प्रमाणतः सिद्धेः प्रमाणानां प्रमाणान्तरसिद्धिप्रसङ्गः 2_1_17
तद्विनिवृत्तेर्वा प्रमाणसिद्धिवत् प्रमेयसिद् 2_1_18
न प्रदीपप्रकाशवत् तत्सिद्धेः 2_1_19
क्वचिन्निवृत्तिदर्शनादनिवृत्तिदर्शनाच्च क्वचिदनेकान्तः 2_1_20
प्रत्यक्षलक्षणानुपपत्तिरसमग्रवचनात् 2_1_21
नात्ममनसोः सन्त्रिकर्षाभावे प्रत्यक्षोत्पत्तिः 2_1_22
दिग्देशकालाकाशेष्वप्येवं प्रसङ्ग 2_1_23
ज्ञानलिङ्गत्वादात्मनो नानवरोधः 2_1_24
तदयौगपद्यलिङ्गत्वाच्च न मनसः 2_1_25
प्रत्यक्षनिमित्तत्वाच्चेन्द्रियार्थयोः सन्त्रिकर्षस्य स्वशब्देन वचनम् 2_1_26
सुप्तव्यासक्तमनसां चेन्द्रियार्थयोः सन्निकर्षनिमित्तत्वात् 2_1_27
तैश्चापदेशो ज्ञानविशेषाणाम् 2_1_28
व्याहतत्वादहेतुः 2_1_29
नार्थविशेषप्राबल्यात् 2_1_30
प्रत्यक्षमनुमानमेकदेशग्रहणादुपलब्धेः 2_1_31
न प्रत्यक्षेण यावत्तावदप्युपलम्भात् 2_1_32
न चैकदेशोपलब्धिरवयविसद्भावात् 2_1_33
साध्यत्वादवयविनि सन्देहः 2_1_34
सर्वाग्रहणमवयव्यसिद्धेः 2_1_35
धारणाकर्षणोपपत्तेश्च 2_1_36
सेनावनवत् ग्रहणामिति चेन्नातीन्द्रियत्वादणूनाम् 2_1_37
रोधोपघातसादृश्येभ्यो व्यभिचारादनुमानमप्रमाणम् 2_1_38
नैकदेशत्राससादृश्येभ्याऽर्थान्तरभावात् 2_1_39
वर्त्तमानाभावः पततः पतितपतितव्यकालोपपत्तेः 2_1_40
तयोरप्यभावो वर्तमानाभावे तदपेक्षत्वात् 2_1_41
नातीतानागतयोरितरेतरापेक्षासिद्धिः 2_1_42
वर्तमानाभावे सर्वाग्रहणम् प्रत्यक्षानुपपत्तेः 2_1_43
कृतताकर्तव्यतोपपत्तेस्तूभयथा ग्रहणम् 2_1_44
अत्यन्तप्रायैकदेशसाधर्म्यादुपमानासिद्धिः 2_1_45
प्रसिद्धसाधर्म्यादुपमानसिद्धेर्यथोक्तदोषानुपपत्तिः 2_1_46
प्रत्यक्षेणाप्रत्यक्षसिद्धेः 2_1_47
नाप्रत्यक्षे गवये प्रमाणार्थमुपमानस्य पश्यामः 2_1_48
तथेत्युपसंहारादुपमानसिद्धेर्नाविशेषः 2_1_49
शब्दोऽनुमानमर्थस्यानुपलब्धेरनुमेयत्वात् 2_1_50
उपलब्धेरद्विप्रवृत्तित्वात् ? 2_1_51
सम्बन्धाच्च ? 2_1_51
आप्तोपदेशसामर्थ्याच्छब्दादर्थसम्प्रत्ययः 2_1_52
पूरणप्रदाहपाटनानुपलब्धेश्च सम्बन्धाभावः 2_1_53
शब्दार्थव्यवस्थानादप्रतिषेधः? 2_1_54
न सामयिकत्वाच्छब्दार्थसम्प्रत्ययस्य 2_1_55
जातिविशेषे चानियमात् 2_1_56
तदप्रमाण्यमनृतव्याघातपुनरुक्तदोषेभ्यः 2_1_57
न कर्मकर्तृसाधनवैगुण्यात् 2_1_58
अभ्युपेत्य कालभेदे दोषवचनात् 2_1_59
अनुवादोपपत्तेश्च 2_1_60
वाक्यविभागस्य चार्थग्रहणात् 2_1_61
विध्यर्थवादानुवादवचनविनियोगात् 2_1_62
विधिर्विधायकः 2_1_63
स्तुतिर्निन्दा परकृतिः पुराकल्प इत्यर्थवादः 2_1_64
विधिविहितस्यानुवचनमनुवादः 2_1_65
नानुवादपुनरुक्तयोर्विशेषः शब्दाभ्यासोपपत्तेः 2_1_66
शीघ्रतरगमनोपदेशवदभ्यासान्नाविशेषः 2_1_67
मन्त्रायुर्वेदप्रामाण्यवच्च तत्प्रामाण्यमाप्तप्रामाण्यात् 2_1_68
।। अथ द्वितीयाध्याये द्वितीयमाह्निकम् ।।
न चतुष्ट्वमैतिह्यार्थापत्तिसम्भवाभावप्रामाण्यात् 2_2_1
शब्द ऐतिह्यानर्थान्तरभावादनुमानेऽर्थापत्तिसम्भवाभावानर्थान्तरभावाच्चाप्रतिषेधः 2_2_2
अर्थापत्तिरप्रमाणमनैकान्तिकत्वात् 2_2_3
अनर्थापत्तावर्थापत्त्यभिमानात् 2_2_4
प्रतिषेधाप्रामाण्यञ्चानैकान्तिकत्वात् 2_2_4
तत्प्रामाण्ये वा नार्थापत्त्यप्रामाण्यम् 2_2_5
नाभावप्रामाण्यं प्रमेयासिद्धेः 2_2_6
लक्षितेष्वलक्षणलक्षितत्वादलक्षितानां तत्प्रमेयसिद्धिः 2_2_7
असत्यर्थे नाभाव इति चेत्र, अन्यलक्षणोपपत्तेः 2_2_8
तत्सिद्धेरलक्षितेष्वहेतुः 2_2_90
नः लक्षणावस्थितापेक्षासिद्धेः 2_2_11
प्रागुत्पत्तेरभावोपपत्तेश्च 2_2_12
आदिमत्त्वादैन्द्रियकत्वात् कृतकवदुपचाराच्च 2_2_13
नः घटाभावसामान्यनित्यत्वात् नित्येप्वप्यनित्यवदुपचाराच्च 2_2_14
तत्त्वभाक्तयोर्नानात्वविभागादव्यभिचारः 2_2_15
सन्तानानुमानविशेषणात् 2_2_16
कारणद्रव्यस्य प्रदेशशब्देनाभिधानात् 2_2_17
प्रागुच्चारणादनुपलब्धेरावरणाद्यनुपलब्धेश्च 2_2_18
तदनुपलब्धेरनुपलम्भादावरणोपत्तिः 2_2_19
अनुपलम्भादप्यनुपलब्धिसद्भाववन्नावरणानुपपत्तिरनुपलम्भात् 2_2_20
अनुपलम्भात्मकत्वादनुलब्धेरहेतुः 2_2_21
अस्पर्शत्वात् 2_2_22
न, कर्मानित्यत्वात् 2_2_23
न, अणुनित्यत्वात् 2_2_24
सम्प्रदानात् 2_2_25
तदन्तरालानुपलब्धेरहेतुः 2_2_26
अध्यापनादप्रतिषेधः 2_2_27
उभयोः पक्षयोरन्यतरस्याध्यापनादप्रतिषेधः 2_2_28
अभ्यासात् 2_2_29
नान्यत्वेऽप्यभ्यासस्योपचारात् 2_2_30
अन्यदन्यस्मादनन्यत्वादनन्यदित्यन्यताऽभावः 2_2_31
तदभावे नास्त्यनन्यता, तयोरितरेतरापेक्षसिद्धेः 2_2_32
विनाशकारणानुपलब्धेः 2_2_33
अश्रवणकारणानुपलब्धेः सततश्रवणप्रसङ्गः 2_2_34
उपलभ्यमाने चानुपलब्धेरसत्त्वादनपदेशः 2_2_35
पाणिनिमित्तप्रश्लेषाच्छब्दाभावे नानुपलब्धिः 2_2_36
विनाशकारणानुपलब्धेश्चावस्थाने तन्नित्यत्वप्रसङ्गः 2_2_37
अस्पर्शत्वादप्रतिषेधः 2_2_38
विभक्तयन्तरोपपत्तेश्च समासे 2_2_39
विकारादेशोपदेशात् संशयः 2_2_40
प्रकृतिविवृद्धौ विकारविवृद्धेः 2_2_41
न्यूनसमाधिकोपलब्धेर्विकाराणामहेतुः 2_2_42
द्विविधस्यापि हेतोरभावादसाधनं दृष्टान्तः 2_2_43
नः अतुल्यप्रकृतीनां विकारविकल्पात् 2_2_44
द्रव्यविकारवैषम्यवद्वर्णविकारविकल्पः 2_2_45
न; विकारधर्मानुपपत्तेः 2_2_46
विकारप्राप्तानामपुनरापत्तेः 2_2_47
सुवर्णादीनां पुनरापत्तेरहेतुः 2_2_48
न; तद्विकाराणां सुवर्णभावाव्यतिरेकात् 2_2_49
नित्यत्वेऽविकारादनित्यत्वे चानवस्थानात् 2_2_50
नित्यानामतीन्द्रियत्वात् तद्धर्मविकल्पाच्च वर्णविकाराणामप्रतिषेधः 2_2_51
अनवस्थायित्वे च वर्णोपलब्धिवत्तद्विकारोपपत्तिः 2_2_52
विकारधर्मित्वे नित्यत्वाभावात् कालान्तरे विकारोपपत्तेश्चाप्रतिषेधः 2_2_53
प्रकृत्यनियमाद् 2_2_54
अनियमे नियमान्नानियमः 2_2_55
नियमानियमविरोधादनियमे नियमाच्चाप्रतिषेधः 2_2_56
गुणान्तरापत्त्युपमर्दह्रासवृद्धिलेशश्लेषेभ्यस्तु विकारोपपत्तेर्वर्णविकारः 2_2_57
ते विभक्त्यन्ताः पदम् 2_2_58
व्यक्त्याकृतिजातिसन्निधावुपचारात् संशयः 2_2_59
या शब्दसमूहत्यागपरिग्रहसङ्ख्यावृद्ध्युपचयवर्णसमासानुबन्धानां व्यक्तावुपचाराद् व्यक्तिः 2_2_60
न; तदनवस्थानात् 2_2_61
सहचरणसथानतादर्थ्यवृत्तमानधारणसामीप्ययोगसाधनाधिपत्येभ्यो ब्राह्मणमञ्चकटराजसक्तुचन्दनगङ्गाशाटकान्नपुरुषेप्वतद्भावेऽपि तदुपचारः 2_2_62
आकृतिस्तपदपेक्षत्वात् सत्त्वव्यस्थानसिद्धेः ? 2_2_63
व्यक्त्याकृतियुक्तेऽप्यप्रसङ्गात् प्रोक्षणादीनां मृद्गवके जातिः ? 2_2_63
न, आकृतिव्यक्तयपेक्षत्वाज्जात्यभिव्यक्तेः 2_2_64
व्यक्त्त्याकृतिजातयस्तु पदार्थः 2_2_65
व्यक्तिगुणविशेषाश्रयो मूर्तिः 2_2_66
आकृतिर्जातिलिङ्गाख्या 2_2_67
समानप्रसवात्मिका जातिः 2_2_68
।। अथ तृतीयोऽध्याये, प्रथमाह्निकम् ।।
दर्शनस्पर्शनाभ्यामेकार्थग्रहणात् 3_1_1
विषयव्यवस्थानात् 3_1_2
तद्व्यवस्थानादेवात्मसद्भावादप्रतिषेधः 3_1_3
शरीरदाहे पातकाभावात् 3_1_4
तदभावः, सात्मकप्रदाहेऽपि तन्नित्यत्वात् 3_1_5
न; कार्याश्रयकर्तृवधात् 3_1_6
सव्यदृष्टस्येतरेण प्रत्यभिज्ञानात् 3_1_7
नैकस्मिन्नासास्थिव्यवहिते द्वित्वाभिमानात् 3_1_8
एकविनाशे द्वितीयाविनाशन्नैकत्वम् 3_1_9
अवयवनाशेऽप्यवयव्युपलब्धेरहेतुः 3_1_10
दृष्टान्तविरोधादप्रतिषेधः 3_1_11
इन्द्रियान्तरविकारात् 3_1_12
नः स्मृतेः स्मर्त्तव्यविषयत्वात् 3_1_13
तदात्मगुणसद्भावादप्रतिषेधः 3_1_14
न; आत्मप्रतिपत्तिहेतूनां मनसि सम्भवात् 3_1_15
ज्ञातुर्ज्ञानसाधनोपपत्तेः संज्ञाभेदमात्रम् 3_1_16
नियमञ्च निरनुमानः 3_1_17
पूर्वाभ्यस्तरस्मृत्यनुबन्धात् जातस्य हर्षभयशोकसम्प्रतिपत्तेः 3_1_18
पद्मादिषु प्रबोधसम्मीलनविकारवत्तद्विकारः 3_1_19
न; उष्णशीतवर्षाकालनिमित्तत्वात् पञ्चात्मकविकाराणाम् 3_1_20
प्रेत्याहाराभ्यासकृतात् स्तन्याभिलाषात् 3_1_21
अयसोऽस्कान्ताभिगमनवत्तदुपसर्पणम् 3_1_22
न; अन्यत्र प्रवृत्त्यभावात् 3_1_23
वीतरागजन्मादर्शनात् 3_1_24
सगुणद्रव्योत्पत्तिवत् तदुत्पत्तिः 3_1_25
न; सङ्कल्पनिमित्तत्वाद्रागादीनाम् 3_1_26
पार्थिवं गुणान्तरोपलब्धेः 3_1_27
पार्थिवाप्यतैजसं तदुणोपलब्धेः 3_1_28
निः श्वासोच्छासोपलब्धेश्चातुभौतिकम् 3_1_29
गन्धक्लेदपाकव्यूहावकाशदानेभ्यः पाञ्चभौतिकम् 3_1_30
श्रुतिप्रामाण्याच्च 3_1_31
कृष्णसारे सत्युपलम्भाद्व्यतिरिच्य चोपलम्भात् संशयः 3_1_32
महदणुग्रहणात् 3_1_33
रश्म्यर्थसन्निकर्षविशेषात् तद्ग्रहणम् 3_1_34
तदनुपलब्धेरहेतुः 3_1_35
नानुमीयमानस्य प्रत्यक्षतोऽनुपलब्धिरभावहेतुः 3_1_36
द्रव्यगुणधर्मभेदाच्चोपलब्धिनियमः 3_1_37
अनेकद्रव्यसमवायाद्रूपविशेषाच्च रूपोपलब्धिः 3_1_38
कर्मकारितश्चेन्द्रियाणां व्यूहः पुरुषार्थतन्त्रः 3_1_39
माध्यन्दिनोल्काप्रकाशानुपलब्धिवत्तदनुपलब्धिः 3_1_40
न रात्रावप्यनुपलब्धेः 3_1_41
आदर्शोदकयोः प्रसादस्वाभाव्याद्रूपोपलब्धिवत्तदुपलब्धिः 3_1_42
दृष्टानुमितानां नियोगप्रतिषेधानुपपत्तिः 3_1_43
स्थानान्यत्वे नानात्वादवयविनानास्थानत्वाच्च संशयः 3_1_44
त्वगव्यतिरेकात् 3_1_45
न युगपदर्थानुपलब्धेः 3_1_46
विप्रतिषेधाच्च न त्वगेका 3_1_47
इन्द्रियार्थपञ्चत्वात् 3_1_48
न तदर्थबहुत्वात् 3_1_49
गन्धत्वाद्यव्यतिरेकाद् गन्धादीनामप्रतिषेधः 3_1_50
विषयत्वाव्यतिरेकादेकत्वम् 3_1_51
न; बुद्धिलक्षणाधिष्ठानगत्याकृतिजातिपञ्चत्वेभ्यः 3_1_52
भूतगुणविशेषोपलब्धेस्तादात्म्यम् 3_1_53
गन्धरसरूपस्पर्शशब्दानां स्पर्शपर्यन्ताः पृथिव्याः 3_1_54
अप्तेजोवायूनां पूर्वपूर्वम पोह्याकाशस्योत्तरः 3_1_55
न सर्वगुणानुपलब्धेः 3_1_56
एकैकश्येनोत्तरोत्तरगुणसद्भावादुत्तराणां तदनुपलब्धिः 3_1_57
विष्टं ह्यपरं परेण 3_1_58
नः पार्थिवाप्ययोः प्रत्यक्षत्वात् 3_1_59
पूर्वपूर्वगुणोत्कर्षात् तत्तत्प्रधानम् 3_1_60
तद्व्यवस्थानं तु भूयस्त्वात् 3_1_61
सगुणानामिन्द्रियभावात् 3_1_62
तेनैव तस्याग्रहणाच्च 3_1_64
न शब्दगुणोपलब्धेः 3_1_65
तदुपलब्धिरितरेतरद्रव्यगुणवैधर्म्यात् 3_1_66
।। अथ तृतीयोऽध्याये द्वितीयमाह्निकम् ।।
कर्माकाशसाधर्म्यात् संशयः 3_2_1
विषयप्रत्यभिज्ञानात् 3_2_2
साध्यसमत्वादहेतुः 3_2_3
न युगपदग्रहणात् 3_2_4
अप्रत्यभिज्ञाने च विनाशप्रसङ्गः 3_2_5
क्रमवृत्तित्वादयुगपदग्रहणम् 3_2_6
अप्रत्यभिज्ञानश्च विषयान्तरव्यासङ्गात् 3_2_7
नः गत्यभावात् 3_2_8
स्फटिकान्यत्वाभिमानवत्तदन्यत्वाभिमानः 3_2_9
स्फटिकेऽप्यपरापरोत्पत्तेः क्षणिकत्वाद्वयक्तीनामहेतुः 3_2_10
नियमहेत्वभावाद् यथादर्शनमभ्यनुज्ञा 3_2_11
नः उत्पत्तिविनाशकारणोपलब्धेः 3_2_12
क्षीरविनाशे कारणानुपलव्धिवद्दध्युत्पत्तिवच्च तदुपपत्तिः 3_2_13
लिङ्गतो ग्रहणान्ननुपलब्धिः 3_2_14
न पयसः परिणामगुणान्तरप्रादुर्भावात् 3_2_15
व्यूहान्तराद् द्रव्यान्तरोत्पत्तिदर्शनं पूर्वद्रव्यनिवृत्तेरनुमानम् 3_2_16
क्वचिद्विनाशकरणानुपलब्धेः क्वचिच्चोपलब्धेरनेकान्तः 3_2_17
नेन्द्रियार्थयोस्तद्विनाशेऽपि ज्ञानावस्थानात् 3_2_18
युगपज्ज्ञेयानुपलब्धेश्च न मनसः 3_2_19
तदात्मगुणत्वेऽपि तुल्यम् 3_2_20
इन्द्रियैर्मनसः सन्निकर्षाभावात् तदनुत्पत्तिः 3_2_21
न; उत्पत्तिकारणानपदेशात् 3_2_22
विनाशकारणानुपलब्धेश्चावस्थाने तन्नित्यत्वप्रसङ्गः 3_2_23
अनित्यत्वग्रहाद् बुद्धेर्बुर्द्धयन्तराद्विनाशः शब्दवत् 3_2_24
ज्ञानसमवेतात्मप्रदेशसन्निकर्षान्मनसः स्मृत्युत्पत्तेर्न युगपदुत्पत्तिः 3_2_25
न; अन्तः शरीरवृत्तित्वान्मनसः 3_2_26
साध्यत्वादहेतुः 3_2_27
स्मरतः शरीरधारणोपपत्तेरप्रतिषेधः 3_2_28
न तदाशुगतित्वान्मनसः 3_2_29
न; स्मरणकालानियात् 3_2_30
आत्मप्रेरणयदृच्छाज्ञताभिश्च न संयोगविशेषः 3_2_31
व्यासक्तमनसः पादव्यथनेन संयोगविशेषेण समानम् 3_2_32
प्रणिधानलिङ्गदिज्ञानानामयुपद्भावादयुगपदस्मरणम् 3_2_33
ज्ञस्येच्छाद्वेषनिमित्तित्वादारम्भनिवृत्त्योः 3_2_34
तल्ल्ङ्गित्वादिच्छाद्वेषयोः पार्थिवाद्येप्वप्रतिषेधः 3_2_35
परश्वादिष्वारम्भनिवृत्तिदर्शनात् 3_2_36
नियमानियमौ तु तद्विशेषकौ 3_2_37
यथोक्तहेतुत्वात् पारतन्त्र्यादकृताभ्यागमाच्च न मनसः 3_2_38
प्रणिधाननिबन्धाभ्यासलिङ्गलक्षणसादृश्यपरिग्रहणाश्रयाश्रितसम्बन्धानन्तर्यवियोगैककार्यविरोधातिशयप्राप्तिव्यवधानसुखदुःखेच्छाद्वेषभयाऽर्थित्वक्रियारागधर्माधर्मनिमित्तेभ्यः 3_2_39
कर्मानवस्थायिग्रहणात् 3_2_40
अव्यक्तग्रहणमनवस्थायित्वात् विद्युत्सम्पाते रूपाद्यव्यक्तग्रहणवत् 3_2_41
हेतूपादानात् प्रतिषेद्धव्याभ्यनुज्ञा 3_2_42
प्रदीपार्च्चिषः सन्तत्यभिव्यक्त ग्रहणवत् तद्ग्रहणम् 3_2_43
द्रव्ये स्वगुणपरगुणोपलब्धेः संशयः 3_2_44
यावच्छरीरभावित्वाद् रूपादीनाम् 3_2_45
नः पाकगुणान्तरोत्पत्तेः 3_2_46
प्रतिद्वन्द्विसिद्धेः पाकजानामप्रतिषेधः 3_2_47
शरीरव्यापित्वात् 3_2_48
नः केशनखादिप्वनुपलब्धेः 3_2_49
त्वक्पर्यन्तत्वाच्छरीरस्य केशनखादि एव प्रसङ्गः 3_2_50
शरीरगुणवैधर्म्यात् 3_2_51
नः रूपादीनामितरेतरवैधर्म्यात् 3_2_52
ऐन्द्रियकत्वाद् रूपादीनामप्रतिषेधः 3_2_53
ज्ञानायौगपद्यादेकं मनः 3_2_54
नः युगपदनेकक्रियोपलब्धेः 3_2_55
अलातकचक्रदर्शनवत्तदुपलब्धिराशुसञ्चरात् 3_2_56
यथोक्तहेतुत्वाच्चाणु 3_2_57
पूर्वकृतफलानुबन्धात्तदुत्पत्तिः 3_2_58
भूतेभ्यो मूर्त्त्युपादानवत् तदुपादानम् 3_2_59
नः साध्यसमत्वात् 3_2_60
न; उत्पत्तिनिमित्तत्वान्मातापित्रोः 3_2_61
तथाहारस्य 3_2_62
प्राप्तौ चानियमात् 3_2_63
शरीरोत्पत्तिनिमित्तवत् संयोगात्पत्तिनिमित्तं कर्म 3_2_64
एतेनानियमः प्रयुक्तः 3_2_65
तददृष्टकारितमिति चेत् । पुनस्तत्प्रसङ्गोऽपवर्गे 3_2_66
मनः कर्मनिमित्तात्वाच्च संयोगानुच्छेदः 3_2_67
नित्यत्वप्रसङ्गश्च प्रायेणानुपपत्तेः 3_2_68
अणुश्यामतानित्यत्ववदेतत् स्यात् 3_2_69
नः अकृताभ्यागमप्रसङ्गात् 3_2_70
।। अथ चतुर्थोऽध्याये, प्रथमाह्निकम् ।।
प्रवृत्तिर्यथोक्ता 4_1_1
तथा दोषाः 4_1_2
तत्त्रैराश्यं रागद्वेषमोहार्थान्तरभावात् 4_1_3
नैकप्रत्यनीकभावात् 4_1_4
व्यभिचारादहेतुः 4_1_5
तेषां मोहः पापीयान्नामूढस्येतरोत्पत्तेः 4_1_6
निमित्तनैमित्तकभावादर्थान्तरभावो दोषेभ्यः 4_1_7
न दोषलक्षणावरोधान्मोहस्य 4_1_8
निमित्तनैमित्तिकोपपतेश्च तुल्यजातीयानामप्रतिषेधः 4_1_9
आत्मनित्यत्वे प्रेत्यभावसिद्धिः 4_1_10
व्यक्ताद्वयक्तानां प्रत्यक्षप्रामाण्यात् 4_1_11
नः घटाद् घटानिष्पत्तेः 4_1_12
व्यक्ताद् घटनिष्पत्तेरप्रतिषेधः 4_1_13
अभावाद्भावोत्पत्तिर्नानुपमृद्य प्रादुर्भावात् 4_1_14
व्याघातादप्रयोगः 4_1_15
नः अतीतानागतयोः कारकशब्दप्रयोगात् 4_1_16
न विनष्टेभ्योऽनिष्पत्तेः 4_1_17
क्रमनिर्देशादप्रतिषेधः 4_1_18
ईश्वरः कारणं पुरुषकर्माफल्यदर्शनात् 4_1_19
नः पुरुषकर्माभावे फलानिष्पत्तेः 4_1_20
तत्कारितत्वादहेतुः 4_1_21
अनिमित्ततो भावोत्पत्तिः, कण्टकतैक्ष्ण्यादिदर्शनात् 4_1_22
अनिमित्तनिमित्तत्वान्नानिमित्ततः 4_1_23
निमित्तानिमित्तयोरर्थान्तरभावादप्रतिषेधः 4_1_24
सर्वमनित्यमुत्पत्तिविनाशधर्मकत्वात् 4_1_25
नानित्यतानित्यत्वात् 4_1_26
तदनित्यत्वमग्रेर्दाह्यं विनाश्यानुविनाशवत् 4_1_27
नित्यस्याप्रत्याख्यानं यथोपलब्धिव्यवस्थानात् 4_1_28
सर्व नित्यं पञ्चभूतनित्यत्वात् 4_1_29
नोत्पत्तिविनाशकारणोपलब्धेः 4_1_30
न व्यवस्थानुपपत्ते 4_1_31
सर्वं पृथक्, भावलक्षणपृथक्त्वात 4_1_32
न, अनेकलक्षणैरेकभावनुष्पत्तेः 4_1_33
लक्षणव्यवस्थानादेवाप्रतिषेधः 4_1_34
सर्वमभावो भावेश्वितरेतराभावसिद्धेः 4_1_35
न. स्वभावसिद्धेर्भावानाम् 4_1_36
न स्वभावसिद्धिरापेक्षिकत्वात् 4_1_37
व्याहतत्वादयुक्तम् 4_1_38
सङ्ख्यैकान्तासिद्धिः कारणानुपपत्त्युपपत्तिभ्याम् 4_1_39
न कारणावयवभावात् 4_1_40
निरवयवत्वादहेतुः 4_1_41
सद्यः कालान्तरे च फलनिष्पत्तेः संशयः 4_1_42
कालान्तरेणानिष्पत्तिहेतुविनाशात् 4_1_43
प्राङ्निष्पत्तेर्वृक्षफलवत्तत् स्यात् 4_1_44
नासन्न सन्न सदसत्, सदसतोवैधर्म्यात् 4_1_45
उत्पादव्ययदर्शनात् 4_1_46
बुद्धिसिद्धं तु तदसत् 4_1_47
आश्रयव्यतिरेकाद् वृक्षफलोत्पत्तिवदित्यहेतुः 4_1_48
प्रीतेरात्माश्रयत्वादप्रतिषेधः 4_1_40
न पुश्पशुस्त्रीपरिच्छेदहिरण्यात्रादिफलनिर्देशात् 4_1_50
तत्सम्बन्धात् फलनिष्पत्तेस्तेषु फलवदुपचारः 4_1_51
विविधबाधनायोगाद् दुःखमेव जन्मोत्पत्तिः 4_1_5
नः सुखस्याप्यन्तरालनिष्पत्तेः 4_1_52
बाधनाऽनिवृत्तेवेदयतः पर्येषणदोषादप्रतिषेधः 4_1_53
दुःखविकल्पे सुखाभिमानाच्च 4_1_54
ऋणक्लेशप्रवृत्त्यनुबन्धादपवर्गाभावः 4_1_55
प्रधानशब्दानुपपत्तेर्गुणशब्देनानुवादो निन्दाप्रशंसोपपत्तेः 4_1_56
समारोपणादात्मन्यप्रतिषेधः 4_1_57
पात्रचयान्तानुपपत्तेश्च फलाभावः 4_1_58
सुषुप्तस्य स्वप्रादर्शन क्लेशाभावादपवर्गः 4_1_59
न प्रवृत्तिः प्रतिसन्धानाय हीनक्लेशस्य 4_1_60
न क्लेशसन्ततेः स्वाभाविकत्वात् 4_1_61
प्रागुत्पत्तेरभावानित्यतववत् स्वाभाविकेऽप्यनित्यत्वम् 4_1_62
अणुश्यामताऽनित्यत्ववद्वा 4_1_63
न सङ्कल्पनिमित्तत्वाच्च रागादीनाम् 4_1_64
।। अथ चतुर्थोऽध्याये द्वितीयमाह्निकम् ।।
दोषमित्तानां तत्त्वज्ञानादहङ्कारनिवृत्तिः 4_2_1
दोषनिमित्तं रूपादयो विषयाः सङ्कल्पकृताः 4_2_2
तन्निमित्तं त्वमवयव्यभिमानः 4_2_3
विद्याऽविद्याद्वैविध्यात् संशयः 4_2_4
तदसंशयः पूर्वहेतुप्रसिद्धत्वात् 4_2_5
वृत्त्यनुपपत्तेरपि तर्हि न संशयः 4_2_6
कृत्स्त्रैकदेशावृत्तित्वादवयवानामवयव्यभावः । 4_2_7
तेषु चावृत्तेरवयव्यभावः 4_2_8
पृथक् चावयवेभ्योऽवृत्तेः 4_2_9
न चावयव्यवयवाः 4_2_10
एकस्मिन् भेदाभावाद् भेदशब्दप्रयोगानुपपत्तेरप्रश्नः 4_2_11
अवयवान्तरभावेऽप्यवृत्तेरहेतुः 4_2_12
केशसमूहे तैमिरिकोपलब्धिवत्तदुपलब्धिः 4_2_13
स्वविषयानतिक्रमेणेन्द्रियस्य पटुमन्दभावाद् 4_2_14
विषयग्रहणस्य तथाभावो नाविषये प्रवृत्तिः 4_2_15
अवयवावयविप्रसङ्गश्चैवमाप्रलयात् 4_2_16
न प्रलयोऽणुसद्भावात् 4_2_17
परं वा त्रुटेः 4_2_18
आकाशव्यतिभेदात् तदनुपपत्तिः 4_2_19
आकाशासर्वगतत्वं वा 4_2_20
अन्त-र्बहिश्च कार्यद्रव्यस्य कारणान्तरवचनादकार्ये तदभावः 4_2_21
शब्दसंयोगाविभवाच्च्च सर्वगतम् 4_2_22
अव्यूहाविष्टम्भविभुत्वानि चाकाशधर्माः 4_2_23
मूर्त्तिमताञ्च संस्थानोपपत्तरेवयवसद्भावः 4_2_24
संयोगोपपत्तेश्च 4_2_25
अनवस्थाकारित्वादनवस्थानुपपत्तेश्चाप्रतिषेधः 4_2_26
बुद्धया विवेचनात्तु भावानां याथात्म्यानुपलब्धिस्तन्त्वपकर्षणे पटसद्भावानुपलब्धिवत् तदनुपलब्धिः 4_2_27
व्याहतत्वादहेतुः 4_2_28
तदाश्रयत्वादपृथग्ग्रहणम् 4_2_29
प्रमाणतश्चाऽर्थप्रतिपत्तेः 4_2_30
प्रमाणानुपपत्त्युपपत्तिभ्याम् 4_2_31
स्वप्रविषयाभिमानवदयं प्रमाणप्रमेयाभिमानः 4_2_32
मायागन्धर्वनगरमृगतृष्णिकावद्वा 4_2_33
हेत्वभावादसिद्धिः 4_2_34
स्मृतिसङ्कल्पवच्च स्वप्नविषयाभिमानः 4_2_35
मिथ्योपलब्धिविनाशस्तत्त्वज्ञानात् स्वप्नविषयाभिमानप्रणाशवत् प्रतिबोधे 4_2_36
बुद्धेश्चैवं निमित्तसद्भावोपलम्भात् । तत्त्वप्रधानभेदाच्च मिथ्याबुद्धेद्वैविध्योपपत्तिः 4_2_37
समाधिविशेषाभ्यासात् 4_2_38
नार्थविशेषप्राबल्यात् 4_2_39
क्षुदादिभिः प्रवर्तनाच्च 4_2_40
पूर्वकृतफलानुबन्धात् तदुत्पत्तिः 4_2_41
अरण्यगुहापुलिनादिषु योगाभ्यासोपदेशः 4_2_42
अपवर्गेऽप्येवं प्रसङ्गः 4_2_43
न, निष्पन्नावश्यम्भावित्वात् 4_2_44
तदभावश्चापवर्गे 4_2_45
तदर्थ यमनियमाभ्यामात्मसंस्करो योगाच्चाध्यात्मविध्युपायैः 4_2_46
ज्ञानग्रहणाभ्यासस्तद्विद्यैश्च सह संवादः 4_2_47
तं शिष्यगुरुसब्रह्मचारिविशिष्टश्रेयोऽर्थिभिरनसूयिभिरभ्युपेयात् 4_2_48
प्रतिपक्षहीनमपि वा प्रयोजनार्थमर्थित्वे 4_2_49
तत्त्वाध्यवसायसंरक्षणार्थ जल्पवितण्डे बीजप्ररोहसंरक्षणार्थ कण्टकशाखावरणवत् 4_2_50
ताभ्यां विगृह्य कथनम् 4_2_51
।। अथ पञ्चमोऽध्याये, प्रथमाह्निकम् ।।
साधर्म्यवैधर्म्योत्कर्षापकर्षवर्ण्यावर्ण्यविकल्पसाध्यप्राप्त्यप्राप्तिप्रसङ्गप्रतिदृष्टान्तानुत्पत्तिसंशयप्रकरणहेत्वर्थापत्त्यविशेषोपपत्त्युपलब्ध्यनुपलब्धिनित्यानित्यकार्यसमाः 5_1_1
साधर्म्यवैधर्म्याभ्यामुपसंहारे तद्धर्मविपर्ययोगपत्तेः साधर्म्यवैधर्म्यसमौ 5_1_2
गोत्वाद् गोसिद्धिवत् तत्सिद्धिः 5_1_3
साध्यदृष्टान्तयोधर्मविकल्पादुभयसाध्यत्वाच्चोत्कर्षापकर्षवर्यावर्ण्यविकल्पसाध्यसमाः 5_1_4
किञ्चित्साधर्म्यादुपसंहारसिद्धेर्वेधर्म्यादप्रतिषेधः 5_1_5
साध्यातिदेशाच्च दृष्टान्तोपपत्तेः 5_1_6
प्राप्य साध्यमप्राप्य वा हेतोः प्राप्त्या अविशिष्टत्वादप्राप्त्या असाधकत्वाच्च प्राप्त्यप्राप्तिसमौ 5_1_7
घटादिनिष्पत्तिदर्शनात् पीडने चाभिचारादप्रतिषेधः 5_1_8
दृष्टान्तस्य कारणानपदेशात् प्रत्यवस्थानाच्च प्रतिदृष्टान्तेन प्रसङ्गप्रतिदृष्टान्तसमौ 5_1_9
प्रदीपोपादानप्रसङ्गनिवृत्तिवत्तद्विनिवृत्तिः 5_1_10
प्रतिदृष्टान्तहेतुत्वे च नाहेतुर्दृष्टान्तः 5_1_11
प्रागुत्पत्तेः कारणाभावादनुत्पत्तिसमयः 5_1_12
तथाभावादुत्पन्नस्य कारणोपपत्तेर्न कारणप्रतिषेधः 5_1_13
सामान्यदृष्टान्तयोरैन्द्रियकत्वे समाने नित्यानित्यसाधर्म्यात् संशयसमः 5_1_14
साधर्म्यात् संशये न संशयो वैधर्म्यादुभयथा वा संशयोऽत्यन्तसंशयप्रसङ्गो नित्यत्वानभ्युपगमाच्च सामान्यस्याप्रतिषेधः 5_1_15
उभयसाधर्म्यात् प्रक्रियासिद्धेः प्रकरणसमः 5_1_16
प्रतिपक्षात् प्रकरणसिद्धेः प्रतिषेधानुपपत्तिः प्रतिपक्षोपपत्तेः 5_1_17
त्रैकाल्यासिद्धेर्हेतोरहेतुसमः 5_1_18
न हेतुतः साध्यसिद्धेस्त्रैकाल्यासिद्धिः 5_1_19
प्रतिषेधानुपपत्तेश्च प्रतिषेध्याप्रतिषेधः 5_1_20
अर्थापत्तितः प्रतिपक्षसिद्धेरर्थापत्तिसमः 5_1_21
अनुक्तस्यार्थापत्तेः पक्षहानेरुपपत्तिरनुक्तत्वादनैकान्तिकत्वाच्चार्थापत्तेः 5_1_22
एकधर्मोपपत्तेरविशेष सर्वाविशेषप्रसङ्गात् सद्भावोपपत्तेरविशेषसमः 5_1_23
क्कचिद्धर्मानुपपत्तेः क्वचिच्चोपपत्तेः प्रतिषेधाभावः 5_1_24
उभयकारणोपपत्तेरुपपत्तिसमः 5_1_25
उपपत्तिकारणाभ्यनुज्ञानादप्रतिषेधः 5_1_26
निर्दिष्टकारणाभावेऽप्युपलम्भादुपलब्धिसमः 5_1_27
कारणान्तरादपि तद्धर्मोपपत्तेप्रतिषेधः 5_1_28
तदनुपलब्धेरनुपलम्भादभावसिद्धौ तद्विपरीतोपपत्तेरनुपलब्धिसमः 5_1_29
अनुपलम्भात्मकत्वादनुपलब्धेरहेतुः 5_1_30
ज्ञानविकल्पनाञ्च भावाभावसंवेदनादध्यात्मम् 5_1_31
साधर्म्यात् तुल्यधर्मोपपत्तेः सर्वानित्यत्वप्रसङ्गादनित्यसमः 5_1_32
साधर्म्यादसिद्धेः प्रतिषेधासिद्धिः प्रतिषेध्यसाधर्म्याच्च 5_1_33
दृष्टान्ते च साध्यसाधनभावेन प्रज्ञातस्य धर्मस्य हेतुत्वात्तस्य चोभयथाभावान्नाविशेषः 5_1_34
नित्यमनित्यभावादनित्ये नित्यत्वोपपत्तेर्नित्यसमः 5_1_35
प्रतिषेध्ये नित्यमनित्यभावादनित्येऽनित्यत्वोपपत्तेः प्रतिषेधाभावः 5_1_36
प्रयत्नकार्यानेकत्वात् कार्यसमः 5_1_37
कार्यान्यत्वे प्रयत्नाहेतुत्वमनुपलब्धिकरणोपपत्तेः 5_1_38
प्रतिषेधेऽपि समानो दोषः 5_1_39
सर्वत्रैवम् 5_1_40
प्रतिषेधविप्रतिषेधे प्रतिषेधदोषवद्दोषः 5_1_41
प्रतिषेधं सदोषमभ्युपेत्य प्रतिषेधविप्रतिषेधे समानो दोषप्रसङ्गो मतानुज्ञा 5_1_42
स्वपक्षलक्षणापेक्षोपपत्त्युपसंहारे हेतुनिर्देशे परपक्षदोषाभ्युपगमात् समानो दोषः 5_1_43
।। अथ पञ्चमोऽध्याये, द्वितीयमाह्निकम् ।।
प्रतिज्ञाहानिः प्रतिज्ञान्तरं प्रतिज्ञाविरोधः प्रतिज्ञासंन्यासो हेत्वन्तरमर्थान्तरं निरर्थकमविज्ञातार्थमपार्थकमप्राप्तकालं न्यूनमधिकं पुनरुक्तमननुभाषणमज्ञानमप्रतिभा विक्षेपो मतानुज्ञापर्यनुयोजयोपेक्षणं निरनुयोज्यानुयोगोऽपसिद्धान्तो हेत्वाभासाश्च निग्रहस्थानानि 5_2_1
प्रतिदृष्टान्तधर्माभ्यनुज्ञा स्वदृष्टान्ते प्रतिज्ञाहानिः 5_2_2
प्रतिज्ञातार्थप्रतिषेधे धर्मविकल्पात्तदर्थनिर्देशः प्रतिज्ञान्तरम् 5_2_3
प्रतिज्ञाहेत्वोर्विरोधः प्रतिज्ञाविरोधः 5_2_4
पक्षप्रतिषेधे प्रतिज्ञातार्थापनयनं प्रतिज्ञासंन्यासः 5_2_5
अविशेषोक्ते हैतौ प्रतिषिद्धे विशेषमिच्छतो हेत्वन्तरम् 5_2_6
प्रकृतादर्थादप्रतिसम्बद्धार्थमर्थान्तरम् 5_2_7
वर्णक्रमनिर्देशवन्निरर्थकम् 5_2_8
परिषत्प्रतिवादिभ्यां त्रिरभिहितमप्यविज्ञातमविज्ञातार्थकम् 5_2_9
पौर्वापर्यायोगादप्रतिसम्बद्धार्थमपार्थकम् 5_2_10
अवयवविपर्यासवचनमप्राप्तकालम् 5_2_11
हीनमन्यतमेनाप्यवयवेन न्यूनम् 5_2_12
हेतूदाहरणाधिकमधिकम् 5_2_13
शब्दार्थयोः पुनर्वचनं पुनरुक्तमन्यत्रानुवादात् 5_2_14
अर्थादापन्नस्य स्वशब्देन पुनर्वचनम् 5_2_15
विज्ञातस्य परिषदा त्रिरभिहितस्याप्यनुच्चारणमननुभाषणम् 5_2_16
अविज्ञातञ्चाज्ञानम् 5_2_17
उत्तरस्याप्रतिपत्तिरप्रतिभा 5_2_18
कार्यव्यासङ्गात् कथाविच्छेदो विक्षेपः 5_2_19
स्वपक्षदोषाभ्युपगमात् परपक्षदोषप्रसङ्गो मतानुज्ञा 5_2_20
निग्रहस्थानप्राप्तस्यानिग्रहः पर्यनुयोज्योपेक्षणम् 5_2_21
अनिग्रहस्थाने निग्रहस्थानाभियोगो निरनुयोज्यानुयोगः 5_2_22
सिद्धान्तमभ्युपेत्यानियमात् कथाप्रसङ्गोऽपसिद्धान्तः 5_2_23
हेत्वाभासाश्च यथोक्ताः 5_2_24