Sbg 16.3 scram

Sanskrit Commentary By Sri Ramanuja ।।16.3।। तेजः दुर्जनैः अनभिभवनीयत्वम्।

क्षमा परनिमित्तपीडानुभवे अपि परेषुं तं प्रति चित्तविकाररहितता।

धृतिः महत्याम् अपि आपदि कृत्यकर्तव्यतावधारणम्।

शौचं बाह्यान्तःकरणानां कृत्ययोग्यता शास्त्रीया।

अद्रोहः परेषु अनुपरोधः परेषु स्वच्छन्दवृत्तिनिरोधरहितत्वम् इत्यर्थः।

नातिमानिता अस्थाने गर्वः अतिमानित्वम्? तद्रहितता।

एते गुणा दैवीं संपदम् अभिजातस्य भवन्ति। देवसम्बन्धिनी संपत् दैवी देवा भगवदाज्ञानुवृत्तिशीलाः? तेषां संपत्। सा च भगवदाज्ञानुवृत्तिः एव? ताम अभिजातस्य ताम् अभिमुखीकृतस्य जातस्य तां निर्वर्तयितुं जातस्य भवन्ति इत्यर्थः।