Sbg 15.19 scang

Sanskrit Commentary By Sri Abhinavgupta ।।15.19।।यो मामिति। एवं जानानः सर्वमयं मामेव ब्रह्मतत्त्वमुपासीनः सर्वं मन्मयत्वेन विदन् सर्वेम भावेन मूर्तिक्रियाज्ञानात्मकेन मामेव भजते यत् पश्यति तत् भगवन्मूर्तितयेत्यादि। तथा च मयैव शिवशक्त्यविनाभावस्तोत्रे -- तव च काचन (N का किल) न स्तुतिरम्बिके

सकलशब्दमयी किल ते तनुः।

निखिलमूर्तिषु मे भवदन्वयो

मनसिजासु बहिष्प्ररासु (?N बहि प्रसरासु) च।।इति विचिन्त्य शिवे शमिताशिवे

जगति जातमयत्नवशादिदम्।

स्तुतिजपार्चनचिन्तनवर्जिता

न खलु काचन कालकलापि (?N कालकलास्ति) मे।।इति।