https://iks.bhu.edu.in/index.php?action=history&feed=atom&title=Sbg_9.2_scanand 2026-05-06T14:36:03Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_9.2_scanand&diff=11826&oldid=prev 2025-12-04T07:30:22Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।9.2।।तदाभिमुख्यसिद्धये तज्ज्ञानं स्तौति --<br /> तच्चेति।<br /> ब्रह्मविद्या विद्यानां राजा श्रेष्ठेत्यत्र हेतुमाह --<br /> दीप्तीति।<br /> कुतो ब्रह्मविद्याया विद्यान्तरेभ्यो दीप्त्यतिशयवत्त्वं तदाह --<br /> दीप्यते हीति।<br /> दृश्यते हि विद्वदन्तरेभ्यो लोके पूजातिरेको ब्रह्मविदामिति भावः। उत्कृष्टतमं शुद्धिकारणं ब्रह्मज्ञानमित्येतदुपपादयति --<br /> अनेकेति।<br /> तत्र च श्रुतिस्मृती प्रमाणयितव्ये। न शास्त्रैकगम्यमिदं ज्ञानं किंतु प्रत्यक्षप्रमेयमित्याह --<br /> किञ्चेति।<br /> प्रत्यक्षमवगमो मानमस्मिन्निति तथा? यद्वावगम्यत इत्यवगमः फलं प्रत्यक्षोऽवगमोऽस्येति दृष्टफलत्वं ज्ञानस्योच्यते। धर्म्यमित्येतद्व्याकरोति --<br /> अनपेतमिति।<br /> धर्मस्येव तस्य क्लेशसाध्यत्वमाशङ्क्याह --<br /> एवमपीति।<br /> तत्र रत्नविषयं विवेकज्ञानं संप्रयोगादुपदेशापेक्षादनायासेन दृष्टं तथेदं ब्रह्मज्ञानमित्याह --<br /> तथेति।<br /> अव्ययमिति विशेषणमाशङ्कापूर्वकं विवृणोति --<br /> तत्रेत्यादिना।<br /> व्यवहारभूमिः सप्तम्यर्थः। ज्ञानस्याक्षयफलत्वे फलितमाह --<br /> अत इति।</div>

imported>Vij