https://iks.bhu.edu.in/index.php?action=history&feed=atom&title=Sbg_9.26_scram 2026-05-04T03:34:46Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_9.26_scram&diff=12497&oldid=prev 2025-12-04T07:36:46Z

<p>Added {content_identifier} content</p> <p><b>New page</b></p><div>Sanskrit Commentary By Sri Ramanuja<br /> ।।9.26।।सर्वसुलभं<br /> पत्रं<br /> वा<br /> पुष्पं<br /> वा<br /> फलं<br /> वा तोयं वा<br /> यो भक्त्या मे प्रयच्छति<br /> अत्यर्थमत्प्रियतया तत्प्रदानेन विना आत्मधारणम् अलभमानतया तदेकप्रयोजनो यो मे पत्रादिकं ददाति तस्य<br /> प्रयतात्मनः<br /> तत्प्रदानैकप्रयोजनत्वरूपशुद्धियुक्तमनसः<br /> तत्<br /> तथाविध<br /> भक्त्युपहृतम् अहं<br /> सर्वेश्वरो निखिलजगदुदयविभवलयलीलः अवाप्तसमस्तकामः सत्यसंकल्पः अनवधिकातिशयासंख्येकल्याणगुणगणः स्वाभाविकानवधिकातिशयानन्दस्वानुभवे वर्तमानः अपि? मनोरथपथदूरवर्ति प्रियं प्राप्य इव<br /> अश्नामि।<br /> यथा उक्तं मोक्षधर्मे -- याः क्रियाः संप्रयुक्ताः स्युः एकान्तगतबुद्धिभिः। ताः सर्वाः शिरसा देवः प्रतिगृह्णाति वै स्वयम्।। (महा0 शा0 340।64) इति।यस्माद् ज्ञानिनां महात्मनां वाङ्मनसागोचरः अयं विशेषः तस्मात् त्वं च ज्ञानी भूत्वा उक्तलक्षणभक्तिभारावनतात्मा आत्मीयः कीर्तनयतनार्चनप्रणामादिकं सततं कुर्वाणो लौकिकं वैदिकं च नित्यनैमित्तिकं कर्म च इत्थं कुरु इति आह --</div>

imported>Vij