https://iks.bhu.edu.in/index.php?action=history&feed=atom&title=Sbg_9.22_scanand 2026-05-04T21:29:47Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_9.22_scanand&diff=12386&oldid=prev 2025-12-04T07:35:42Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।9.22।।फलमनभिसंधाय त्वामेवाराधयतां सम्यग्दर्शननिष्ठानामत्यन्तनिष्कामानां(णां) कथं योगक्षेमौ स्यातामित्याशङ्क्याह --<br /> ये पुनरिति।<br /> तेषां योगक्षेमं वहामीत्युत्तरत्र संबन्धः। येभ्योऽन्यो न विद्यत इति,व्युत्पत्तिमाश्रित्याह --<br /> अपृथगिति।<br /> कार्यस्येव कारणे कर्मतादात्म्यं व्यावर्तयति --<br /> परमिति।<br /> अहमेव वासुदेवः सर्वात्मा न मत्तोऽन्यत्किंचिदस्तीति ज्ञात्वा तमेव प्रत्यञ्चं सदा ध्यायन्त इत्याह --<br /> चिन्तयन्त इति।<br /> प्राकृतान्व्यावर्त्य मुख्यानधिकारिणो निर्दिशति --<br /> संन्यासिन इति।<br /> पर्युपासते परितः सर्वतोऽनवच्छिन्नतया पश्यन्तीत्यर्थः। नित्याभियुक्तानां नित्यमनवरतमादरेण ध्याने व्यापृतानामित्याह --<br /> सततेति।<br /> योगश्च क्षेमश्च योगक्षेमम्। तत्रापुनरुक्तमर्थमाह --<br /> योग इति।<br /> किमर्थं परमार्थदर्शिनां योगक्षेमं वहसीत्याशङ्क्याह --<br /> ज्ञानीत्विति।<br /> अतस्तेषां योगक्षेमं वहामीति संबन्धः। सम्यग्दर्शननिष्ठानामेव योगक्षेमं वहति भगवानिति विशेषणममृष्यमाणः शङ्कते --<br /> नन्विति।<br /> अन्येषामपि भक्तानां भगवान्योगक्षेमं वहतीत्येतदङ्गीकरोति --<br /> सत्यमिति।<br /> तर्हि भक्तेषु ज्ञानिषु च विशेषो नास्तीति पृच्छति --<br /> किंत्विति।<br /> तत्र विशेषं प्रतिज्ञाय विवृणोति --<br /> अयमित्यादिना।<br /> योगक्षेममुद्दिश्य स्वयमीहन्ते चेष्टां कुर्वन्तीति यावत्। आत्मविदां स्वार्थं योगक्षेममुद्दिश्य चेष्टाभावं स्पष्टयति --<br /> नहीति।<br /> गृद्धिरपेक्षा कामना तामित्येतत्। ज्ञानिनां तर्हि सर्वत्रानास्थेत्याशङ्क्याह --<br /> केवलमिति।<br /> तेषां तदेकशरणत्वे फलितमाह<br /> अत इति।<br /> इतिशब्दो विशेषशब्देन संबध्यते।</div>

imported>Vij