https://iks.bhu.edu.in/index.php?action=history&feed=atom&title=Sbg_9.19_scanand 2026-05-04T14:22:37Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_9.19_scanand&diff=12302&oldid=prev 2025-12-04T07:34:55Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।9.19।।इतश्च सर्वात्मत्वे भगवतो न विवदितव्यमित्याह --<br /> किञ्चेति।<br /> आदित्याज्जायते वृष्टिः इति स्मृतिमवष्टभ्य व्याचष्टे --<br /> कैश्चिदिति।<br /> वर्षोत्सर्गनिग्रहावेकस्यैकस्मिन्काले विरुद्धावित्याशङ्क्याह --<br /> अष्टभिरिति।<br /> ऋतुभेदेन वर्षस्य निग्रहोत्सर्गावेककर्तृकावविरुद्धावित्यर्थः। यस्य कारणस्य संबन्धित्वेन,यत्कार्यमभिषज्यते तदिह सदित्युच्यते? कारणसंबन्धेनानभिव्यक्तं कारणमेवानभिव्यक्तनामरूपमसदिति व्यवह्रियते तदेतदाह --<br /> सदिति।<br /> शून्यवादं व्युदस्यति --<br /> न पुनरिति।<br /> भगवतोऽत्यन्तासत्त्वे कार्यकारणकल्पना निरधिष्ठाना न तिष्ठतीत्यर्थः। तर्हि यथाश्रुतं कार्यस्य सत्त्वं कारणस्य चासत्त्वमास्थेयमित्याशङ्क्य वाशब्देन निषेधति --<br /> कार्येति।<br /> नहि कार्यस्यात्यन्तिकं सत्त्वं वाचारम्भणश्रुतेर्नापीतरस्यात्यन्तिकमसत्त्वंकुतस्तु खलु इत्यादिश्रुतेरित्यर्थः। उक्तैर्ज्ञानयज्ञैर्भगवदभिनिविष्टबुद्धीनां किं फलमित्याशङ्क्यह सद्यो वा क्रमेण वा मुक्तिरित्याह --<br /> य इति।</div>

imported>Vij