https://iks.bhu.edu.in/index.php?action=history&feed=atom&title=Sbg_9.18_scanand 2026-05-04T14:22:36Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_9.18_scanand&diff=12274&oldid=prev 2025-12-04T07:34:40Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।9.18।।भगवतः सर्वात्मकत्वे हेत्वन्तरमाह --<br /> किञ्चेति।<br /> गम्यत इति प्रकृतिविलयान्तं कर्मफलं गतिरित्याह --<br /> कर्मेति।<br /> पोष्टा कर्मफलस्य प्रदाता। कार्यकरणप्रपञ्चस्याधिष्ठानमित्याह --<br /> निवास इति।<br /> शीर्यते दुःखमस्मिन्निति व्युत्पत्तिमाश्रित्याह --<br /> शरणमिति।<br /> प्रभवत्यस्माज्जगदिति व्युत्पत्तिमादायोक्तम् --<br /> उत्पत्तिरिति।<br /> कारणस्य कथमव्ययत्वमित्याशङ्क्याह --<br /> यावदिति।<br /> कारणमन्तरेणापि कार्यं कदाचिदुदेष्यति किं कारणेनेत्याशङ्क्याह --<br /> नहीति।<br /> मा भूत्तर्हि संसारदशायामेव कदाचित्कार्योत्पत्तिरित्याशङ्क्याह --<br /> नित्यं चेति।<br /> कारणव्यक्तेर्नाशमङ्गीकृत्य तदन्यतमव्यक्तिशून्यत्वं पूर्वकालस्य नास्तीति सिद्धवत्कृत्य विशिनष्टि --<br /> बीजेति।</div>

imported>Vij