https://iks.bhu.edu.in/index.php?action=history&feed=atom&title=Sbg_8.4_scanand 2026-05-05T23:23:30Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_8.4_scanand&diff=11098&oldid=prev 2025-12-04T06:59:02Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।8.4।।संप्रति प्रश्नत्रयस्योत्तरमाह --<br /> अधिभूतमिति।<br /> अधिभूतं च किं प्रोक्तमित्यस्य प्रतिवचनं<br /> अधिभूतं क्षरो भाव इति।<br /> तत्राधिभूतपदमनूद्य वाच्यमर्थं कथयति --<br /> अधिभूतमित्यादिना।<br /> तस्य निर्देशमन्तरेण निर्ज्ञातुमशक्यत्वात्प्रश्नद्वारा तन्निर्दिशति --<br /> कोऽसाविति।<br /> कार्यमात्रमत्र संगृहीतमिति वक्तुमुक्तमेव व्यनक्ति --<br /> यत्किंचिदिति।<br /> अधिदैवं किमिति प्रश्ने पुरुषश्चेत्यादिप्रतिवचनं तत्र पुरुषशब्दमनूद्य मुख्यमर्थं तस्योपन्यस्यति --<br /> पुरुष इति।<br /> तस्यैव संभावितमर्थान्तरमाह --<br /> पुरि शयनाद्वेति।<br /> वैराजं देहमासाद्यादित्यमण्डलादिषु दैवतेषु योऽन्तरवस्थितो लिङ्गात्मा व्यष्टिकरणानुग्राहकोऽत्र पुरुषशब्दार्थः स चाधिदैवतमिति स्फुटयति --<br /> आदित्येति।<br /> अधियज्ञः कथमित्यादिप्रश्नं परिहरन्नधियज्ञशब्दार्थमाह --<br /> अधियज्ञ इति।<br /> कथमुक्तायां देवतायामधियज्ञशब्दः स्यादित्याशङ्क्य श्रुतिमनुसरन्नाह --<br /> यज्ञो वा इति।<br /> परैव देवताऽधियज्ञशब्देनोच्यते। सा च ब्रह्मणः सकाशादत्यन्ताभेदेन प्रतिपत्तव्येत्याह --<br /> स हि विष्णुरिति।<br /> शास्त्रीयव्यवहारभूमिरत्रेत्युक्ता। देहसामानाधिकरण्याद्वात्रेत्यस्य व्याख्यानम् --<br /> अस्मिन्निति।<br /> किमधियज्ञो बहिरन्तर्वा देहादिति संदेहो मा भूदित्याह --<br /> देह इति।<br /> ननु यज्ञस्य देहाधिकरणत्वाभावात्कथं तथाविधयज्ञाभिमानिदेवतात्वं भगवता विवक्ष्यते तत्राह --<br /> यज्ञो हीति।<br /> एतेन तस्य बुद्ध्यादिव्यतिरिक्तत्वमुक्तमवधेयम्। नहि परा देवता दर्शितरीत्याधियज्ञशब्दिता बुद्ध्यादिष्वन्तर्भावमनुभावयितुमलम्। देहान्बिभ्रतीति देहभृतः सर्वे प्राणिनस्तेषामेव वरः श्रेष्ठः। युक्तं हि भगवता साक्षादेव प्रतिक्षणं संवादं विदधानस्यार्जुनस्य सर्वेभ्यः श्रैष्ठ्यम्।</div>

imported>Vij