https://iks.bhu.edu.in/index.php?action=history&feed=atom&title=Sbg_7.9_scanand 2026-05-04T08:43:20Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_7.9_scanand&diff=10398&oldid=prev 2025-12-04T06:53:21Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।7.9।।मयि सर्वमिदं प्रोतमित्यस्यैव परिमाणार्थं प्रकारान्तरमाह<br /> पुण्य इति।<br /> पृथिव्यां पुण्यशब्दितो यः सुरभिगन्धः सोऽहमस्मीत्यत्र वाक्यार्थं कथयति<br /> तस्मिन्निति।<br /> कथं पृथिव्यां गन्धस्य पुण्यत्वं तत्राह<br /> पुण्यत्वमिति।<br /> यत्तु पृथिव्यां गन्धस्य स्वाभाविकं पुण्यत्वं दर्शितं तदबादिषु रसादेरपि स्वाभाविकपुण्यत्वस्योपलक्षणार्थमित्याह<br /> पृथिव्यामिति।<br /> प्रथमोत्पन्नाः पञ्चापि गुणाः पुण्या एव सिद्धादिभिरेव भोग्यत्वादिति भावः। कथं तर्हि गन्धादीनामपुण्यत्वप्रतिभानं तत्राह<br /> अपुण्यत्वं त्विति।<br /> तदेव स्फुटयति<br /> संसारिणामिति।<br /> गन्धादयः स्वकार्यैर्भूतैः सह परिणममानाः प्राणिनां पापादिवशादपुण्याः संपद्यन्त इत्यर्थः।यच्चाग्नेस्तेजस्तद्भूते मयि श्रोतोऽग्निरित्याह<br /> तेज इति।<br /> जीवनभूते च मयि सर्वाणि भूतानि प्रोतानीत्याह<br /> तथेति।<br /> जीवनशब्दार्थमाह<br /> येनेति।<br /> अन्नरसेनामृताख्येनेत्यर्थः। तपश्चास्मीत्यादेस्तात्पर्यार्थमाह<br /> तस्मिन्निति।<br /> चित्तैकाग्र्यमनाशकादि वा तपस्तदात्मनीश्वरे प्रोतास्तपस्विनो विशेषणाभावे विशिष्टस्य वस्तुनोऽभावादित्यर्थः।</div>

imported>Vij