https://iks.bhu.edu.in/index.php?action=history&feed=atom&title=Sbg_7.8_scanand 2026-05-04T08:43:10Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_7.8_scanand&diff=10370&oldid=prev 2025-12-04T06:53:08Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।7.8।।अबादीनां रसादिषु प्रोतत्वप्रतीतेस्त्वय्येव सर्वं प्रोतमित्ययुक्तमिति मत्वा पृच्छति<br /> केनेति।<br /> तत्रोत्तरमुत्तरग्रन्थेन दर्शयति<br /> उच्यत इति।<br /> सारो मधुरो हेतुरिति यावत्। रसोऽहमिति कथं तत्राह<br /> तस्मिन्निति।<br /> अप्सु यो रसः सारस्तस्मिन्मयि मधुररसे कारणभूते प्रोता आप इतिवदुत्तरत्र सर्वत्र व्याख्यानं कर्तव्यमित्याह<br /> एवमिति।<br /> उक्तमर्थं दृष्टान्तं कृत्वा प्रभास्मीत्यादि व्याचष्टे<br /> यथेति।<br /> चन्द्रादित्ययोर्या प्रभा तद्भूते मयि तौ प्रोतावित्यर्थः। तत्र वाक्यार्थं। कथयति<br /> तस्मिन्निति।<br /> प्रणवभूते तस्मिन्वेदानां प्रोतत्ववदाकाशे यः सारभूतः शब्दस्तद्रूपे परमेश्वरे प्रोतमाकाशमित्याह<br /> तथेति।<br /> पौरुषं नृष्विति भागं पूर्ववद्विभजते<br /> तथेत्यादिना।<br /> पुरुषत्वमेव विशदयति<br /> यत इति।<br /> पुंस्त्वसामान्यात्मके परस्मिन्नीश्वरे प्रोतास्तद्विशेषास्तदुपादानत्वेन तत्स्वभावत्वादित्यर्थः।</div>

imported>Vij