https://iks.bhu.edu.in/index.php?action=history&feed=atom&title=Sbg_7.7_scram 2026-05-04T04:50:26Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_7.7_scram&diff=10341&oldid=prev 2025-12-04T06:52:54Z

<p>Added {content_identifier} content</p> <p><b>New page</b></p><div>Sanskrit Commentary By Sri Ramanuja<br /> ।।7.7।।यथा सर्वकारणस्य अपि प्रकृतिद्वयस्य कारणत्वेन सर्वाचेतनवस्तुशेषिणः चेतनस्य अपि शेषित्वेन कारणतया शेषितया च अहं परतरः तथा ज्ञानशक्तिबलादिगुणयोगेन च अहम् एव परतरः<br /> मत्तः अन्यत्<br /> मद्व्यतिरिक्तं<br /> किञ्चिद्<br /> ज्ञानबलादिगुणान्तरयोगि<br /> परतरं न अस्ति।<br /> सर्वम् इदं<br /> चिदचिद्वस्तुजातं कार्यावस्थं कारणावस्थं च मच्छरीरभूतं<br /> सूत्रे<br /> मणिगणवदात्मतया अवस्थिते<br /> मयि प्रोतम्<br /> आश्रितम्।<br /> <br /> <br /> यस्य पृथिवी शरीरम् (बृ0 उ<br /> 0<br /> 3।7।3)यस्यात्मा शरीरम् (बृ उ 3।7।22)एष सर्वभूतान्तरात्मापहतपाप्मा दिव्यो देव एको नारायणः (सु0 उ<br /> 0<br /> 7) इति आत्मशरीरभावेन अवस्थानम् च जगद्ब्रह्मणोः अन्तर्यामिब्राह्मणादिषु सिद्धम्।अतः सर्वस्य परमपुरुषशरीरत्वेन आत्मभूतपरमपुरुषप्रकारत्वात् सर्वप्रकारः परमपुरुष एव अवस्थित इति सर्वैः शब्दैः तस्य एव अभिधानम् इति तत्तत्सामानाधिकरण्येन आह<br /> रसः अहम्<br /> इति चतुर्भिः</div>

imported>Vij