https://iks.bhu.edu.in/index.php?action=history&feed=atom&title=Sbg_7.2_scanand 2026-05-03T22:03:59Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_7.2_scanand&diff=10202&oldid=prev 2025-12-04T06:51:44Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।7.2।।ज्ञास्यसीत्युक्त्या परोक्षज्ञानशङ्कायां तन्निवृत्त्यर्थं तदुक्तिप्रकारमेव विवृणोति<br /> तच्चेति।<br /> इदमपरोक्षं ज्ञानं चैतन्यम्। तस्य सविज्ञानस्य प्रतिलम्भे किं स्यादित्याशङ्क्याह<br /> यज्ज्ञात्वेति।<br /> इदमा चैतन्यस्य परोक्षत्वं व्यावर्त्यते। तदेव सविज्ञानमिति विशेषणेन स्फुटयति। अनवशेषेण तद्वेदनफलोपन्यासेन श्रोतारं तच्छवणप्रवणं करोति<br /> तज्ज्ञानमिति।<br /> एकविज्ञानेन सर्वविज्ञानश्रुतिमाश्रित्योत्तरार्धतात्पर्यमाह<br /> यज्ज्ञात्वेति।<br /> भगवत्तत्त्वज्ञानस्य विशिष्टफलत्वमुक्त्वा फलितमाह<br /> अत इति।</div>

imported>Vij