https://iks.bhu.edu.in/index.php?action=history&feed=atom&title=Sbg_7.27_scanand 2026-05-05T22:04:54Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_7.27_scanand&diff=10902&oldid=prev 2025-12-04T06:57:07Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।7.27।।भगवत्तत्त्वविज्ञानप्रतिबन्धकं मूलाज्ञानातिरिक्तं प्रश्नद्वारेणोदाहरति<br /> केनेत्यादिना।<br /> पुनःशब्दात्प्रतिबन्धकान्तरविवक्षा गम्यते। अपरोक्षमवान्तरप्रतिबन्धकमिदमा गृह्यते। विशेषमाकाङ्क्षापूर्वकं निक्षिपति<br /> केनेति।<br /> विशेषापेक्षायामिति।<br /> द्वन्द्वशब्देन गृहीतयोरपीच्छाद्वेषयोर्ग्रहणं द्वन्द्वशब्दार्थोपलक्षणार्थमित्यभिप्रेत्याह<br /> तावेवेति।<br /> तयोरपर्यायमेकत्रानुपपत्तिं गृहीत्वा विशिनष्टि<br /> यथाकालमिति।<br /> नच तयोरनधिकरणं किंचिदपि भूतं संसारमण्डले संभवतीत्याह<br /> सर्वभूतैरिति।<br /> तथापि कथं तयोर्मोहहेतुत्वमित्याशङ्क्याह<br /> तत्रेति।<br /> तयोराश्रयः सप्तम्यर्थः। उक्तमेवार्थं कैमुतिकन्यायेन प्रपञ्चयति<br /> नहीति।<br /> पूर्वभागानुवादपूर्वकमुत्तरभागेन फलितमाह<br /> अत इति।<br /> प्रत्यगात्मन्यहंकारादिप्रतिबन्धप्रभावतो ज्ञानोत्पत्तेरसंभवोऽतःशब्दार्थः। कुलप्रसूत्यभिमानेन स्वरूपशक्त्या च युक्तस्यैव यथोक्तप्रतिबन्धप्रतिविधानसामर्थ्यमिति द्योतनार्थं भारत परंतपेति संबोधनद्वयम्। तत्त्वज्ञानप्रतिबन्धे प्रकृतभवान्तरकारणमुपसंहरति<br /> मोहेति।<br /> जायमानभूतानां मोहपरतन्त्रत्वे फलितमाह<br /> यत इति।<br /> भगवत्तत्त्ववेदनाभावे तन्निष्ठत्ववैधुर्यं फलतीत्याह<br /> अतएवेति।</div>

imported>Vij