https://iks.bhu.edu.in/index.php?action=history&feed=atom&title=Sbg_7.16_scram 2026-05-04T18:42:00Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_7.16_scram&diff=10593&oldid=prev 2025-12-04T06:54:52Z

<p>Added {content_identifier} content</p> <p><b>New page</b></p><div>Sanskrit Commentary By Sri Ramanuja<br /> ।।7.16।।<br /> सुकृतिनः<br /> पुण्यकर्माणो<br /> मां<br /> शरणम् उपगम्य माम् एव<br /> भजन्ते।<br /> ते चे सुकृततारतम्येन<br /> चतुर्विधाः<br /> सुकृतगरीयस्त्वेन प्रतिपत्तिवैशेष्याद् उत्तरोत्तराधिकतमाः भवन्ति।<br /> आर्त्तः<br /> प्रतिष्ठाहीनो भ्रष्टैश्वर्यः पुनस्तत्प्राप्तिकामः।<br /> अर्थार्थी<br /> अप्राप्तैश्वर्यतया ऐश्वर्यकामः तयोः मुखभेदमात्रम् ऐश्वर्यविषयतया ऐक्याद् एक एव अधिकारः।<br /> जिज्ञासुः<br /> प्रकृतिवियुक्तात्मस्वरूपावाप्तीच्छुः ज्ञानम् एव अस्य स्वरूपम् इति जिज्ञासुः इति उक्तम्।<br /> <br /> <br /> ज्ञानी च<br /> इतस्त्वन्यां प्रकृतिं विद्धि मे पराम् (गीता 7।5) इत्यादिना अभिहितभगवच्छेषतैकरसात्मस्वरूपवित् प्रकृतिवियुक्तकेवलात्मनि अपर्यवस्यन् भगवन्तं प्रेप्सुः भगवन्तम् परमप्राप्यं मन्वानः।</div>

imported>Vij