https://iks.bhu.edu.in/index.php?action=history&feed=atom&title=Sbg_7.14_scanand 2026-05-04T17:41:06Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_7.14_scanand&diff=10538&oldid=prev 2025-12-04T06:54:27Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।7.14।।यथोक्तानादिसिद्धमायापारवश्यपरिवर्जनायोगाज्जगतो न कदाचिदपि तत्त्वबोधसमुदयसंभावनेत्याशङ्कते<br /> कथं पुनरिति।<br /> भगवदेकशरणतया तत्त्वज्ञानद्वारेण मायातिक्रमः संभवतीति परिहरति<br /> उच्यत इति।<br /> कथं दुरत्ययत्वेन तदत्ययः स्यादिति तत्राह<br /> मामेवेति।<br /> प्रधानस्येव स्वातन्त्र्यं मायाया व्युदस्यति<br /> देवस्येति।<br /> अस्वातन्त्र्ये मायात्वानुपपत्तिं हिशब्दद्योतितां हेतूकरोति<br /> यस्मादिति।<br /> अनुभवसिद्धा सा नाकस्मादपलापमर्हतीत्याह<br /> एषेति।<br /> जगतस्तत्त्वप्रतिपत्तिप्रतिबन्धभूता गुणाः सत्त्वादयः। ममेति प्रागुक्तमेव मायायाः संबन्धमनूद्य विधित्सितं दुरत्ययत्वं विभजते<br /> दुःखेनेति।<br /> मामेवेत्यादि व्याचष्टे<br /> तत्रेति।<br /> तस्मिन्मायारूपे यथोक्तरीत्या दुरत्यये सतीति यावत्। मामेवेत्येवकारेण मायया वेद्यकोटिनिवेशाभावो विवक्ष्यते सर्वात्मना कर्मानुष्ठानादिव्यग्रतामन्तरेणेत्यर्थः। मायातिक्रमे मोहातिक्रमो भवतीति मत्वा विशिनष्टि<br /> सर्वेति।<br /> मायातत्प्रयुक्तमोहयोरतिक्रमेऽपि कथं पुरुषस्य पुरुषार्थसिद्धिरित्याशङ्क्याह<br /> संसारेति।</div>

imported>Vij