https://iks.bhu.edu.in/index.php?action=history&feed=atom&title=Sbg_6.7_scanand 2026-04-30T12:21:37Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_6.7_scanand&diff=9026&oldid=prev 2025-12-04T06:24:41Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।6.7।।कथं संयतकार्यकरणस्य बन्धुरात्मेति तत्राह<br /> जितात्मन इति।<br /> जितकार्यकरणसंघातस्य प्रकर्षेणोपरतबाह्याभ्यन्तरकरणस्य परमात्मा विक्षेपेण पुनः पुनरनभिभूयमानो निरन्तरं चित्ते प्रथत इत्यर्थः। जितात्मानं संन्यस्तसमस्तकर्माणमधिकारिणं प्रदर्श्य योगाङ्गानि दर्शयति<br /> शीतेति।<br /> समः स्यादित्यध्याहारः। पूर्वार्धं व्याचष्टे<br /> जितेत्यादिना।<br /> न केवलं तस्य परमात्मा साक्षादात्मभावेन वर्तते किंतु शीतोष्णादिभिरपि नासौ चाल्यते तत्त्वज्ञानादित्युत्तरार्धं विभजते<br /> किञ्चेति।<br /> तेषु समः स्यादिति संबन्धः।</div>

imported>Vij