https://iks.bhu.edu.in/index.php?action=history&feed=atom&title=Sbg_6.38_scanand 2026-05-01T13:55:08Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_6.38_scanand&diff=9894&oldid=prev 2025-12-04T06:31:51Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।6.38।।प्रश्नमेव विवृणोति<br /> कच्चिदिति।<br /> प्रशस्तप्रश्नार्थत्वं कच्चिदित्यस्याङ्गीकृत्य व्याचष्टे<br /> किमिति।<br /> उभयविभ्रष्टत्वं स्पष्टयति<br /> कर्मेत्यादिना।<br /> वायुना छिन्नं विशकलितमभ्रं यथा नश्यति तद्वदित्याह<br /> छिन्नेति।<br /> नाशाशङ्कानिमित्तमाह<br /> निराश्रय इति।<br /> कर्ममार्गरूपावष्टम्भाभावेऽपि ज्ञानमार्गावष्टम्भस्तस्य भविष्यतीत्याशङ्क्याह<br /> विमूढः सन्निति।<br /> नहि कर्मिणं प्रतीयमाशङ्का युक्ताभिलाषं त्यक्त्वेश्वरे समर्प्या समर्प्य वा कर्मानुतिष्ठतो निरुपचारेण तद्भ्रंशवचनासंभवात्सर्वकर्मसंन्यासिनस्तु विहितानां त्यागाज्ज्ञानोपायाच्चविच्युतेरनर्थप्राप्तिशङ्का युक्तेति भावः।</div>

imported>Vij