https://iks.bhu.edu.in/index.php?action=history&feed=atom&title=Sbg_6.30_scneelSbg 6.30 scneel - Revision history2026-05-03T20:03:56ZRevision history for this page on the wikiMediaWiki 1.44.3https://iks.bhu.edu.in/index.php?title=Sbg_6.30_scneel&diff=9678&oldid=previmported>Vij: Added {content_identifier} content2025-12-04T06:30:08Z<p>Added {content_identifier} content</p>
<p><b>New page</b></p><div>Sanskrit Commentary By Sri Neelkanth<br />
।।6.30।।अस्यात्मैकत्वदर्शनस्यापि फलमाह<br />
यो मामिति।<br />
सर्वत्रास्मच्छब्दः प्रत्यगात्मपरः। यो योगी आत्मानं सर्वत्र पश्यति सर्वं चात्मनि पश्यति तस्य योगिनो ज्ञात आत्मा न प्रणश्यति अदर्शनं न गच्छति। ज्ञात आत्मा न पुनस्तिरोभवति। सकृन्नष्टस्य मूलाज्ञानस्य बीजाभावेन पुनरुदयासंभवादित्यर्थः। ननु कार्यकारणसंघाताभिमानिना शुक्तिरूप्यवद्ब्रह्मण्यध्यस्तेन तदभिमानत्यागपूर्वकं ज्ञातं स्वाधिष्ठानभूतं ब्रह्म मा तिरोधायि बुद्धेस्तत्त्वपक्षपातित्वात् ब्रह्मदृष्ट्या तु मुक्तजीवस्य निरन्वयोच्छेदो भवतीत्याशङ्क्याह<br />
स च मे न प्रणश्यतीति।<br />
स च विद्वान्मे मम न प्रणश्यति न तिरोभवति मदभिन्नत्वात्। भवेदेतदेवं यदि जीवो मय्यध्यस्तो वा मम विकारो वा भवेत्तदा निरन्वयोच्छेदं प्राप्नुयात्। अहमेव तु सः।तत्त्वमसिअहं ब्रह्मास्मिअयमात्मा ब्रह्म इत्यादिशास्त्रात्। तस्माद्युक्तमुक्तं स च मे न प्रणश्यतीति।</div>imported>Vij