https://iks.bhu.edu.in/index.php?action=history&feed=atom&title=Sbg_6.30_scanand 2026-05-03T14:17:43Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_6.30_scanand&diff=9670&oldid=prev 2025-12-04T06:30:04Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।6.30।।उक्तस्यैकत्वज्ञानस्य फलविकल्पत्वशङ्कां<br /> शिथिलयति<br /> एतस्येति।<br /> तत्रैकत्वदर्शनमनुवदति<br /> यो<br /> मामिति।<br /> तत्फलमिदानीमुपन्यस्यति<br /> तस्येति।<br /> ज्ञानानुवादभागं विभजते<br /> यो मामिति।<br /> तत्फलोक्तिभागं व्याचष्टे<br /> तस्यैवमिति।<br /> अनेकत्वदर्शिनोऽपीश्वरो नित्यत्वान्न प्रणश्यतीत्याशङ्क्याह<br /> नेति।<br /> अहं परमानन्दो न तं प्रति परोक्षीभवामीत्यर्थः। स चेत्यादि व्याचष्टे<br /> विद्वानिति।<br /> विद्वानिवाविद्वानपीश्वरस्य न नश्यतीत्याशङ्क्योक्तं<br /> नेत्यादिना।<br /> अविदुषश्च स्वरूपेण सतोऽपि व्यवहितत्वादविद्यया नष्टप्रायतेत्यर्थः। ईश्वरस्य विदुषस्च परस्परमपरोक्षत्वे हेतुमाह<br /> तस्य चेति।<br /> आत्मैकत्वेऽपि कथं मिथोऽपरोक्षत्वं तत्राह<br /> स्वात्मेति।<br /> विद्वदीश्वरयोरेकत्वानुवादेन विद्याफलं विवृणोति<br /> यस्माच्चेति।<br /> तस्मादेकत्वदर्शनार्थं प्रयतितव्यमिति शेषः।</div>

imported>Vij