https://iks.bhu.edu.in/index.php?action=history&feed=atom&title=Sbg_6.23_scanand 2026-04-30T17:18:32Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_6.23_scanand&diff=9474&oldid=prev 2025-12-04T06:28:24Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।6.23।।तं विद्यादित्याद्यपेक्षितं पूरयन्नवतारयति<br /> यत्रेति।<br /> तमित्यात्मावस्थाविशेषं परामृशति। दुःखसंयोगस्य वियोगो वियोगसंज्ञितो युज्यते स कथं योगसंज्ञितः स्यादित्याशङ्क्याह<br /> विपरीतेति।<br /> इयं हि योगावस्था समुत्खातनिखिलदुःखभेदेति दुःखसंयोगाभावो योगसंज्ञामर्हतीत्यर्थः। उपसंहृते योगफले किमिति पुनर्योगस्य कर्तव्यत्वमुच्यते तत्राह<br /> योगफलमिति।<br /> प्रकारान्तरेण योगस्य कर्तव्यत्वोपदेशारम्भोऽत्रान्वारम्भः योगं युञ्जानस्तत्क्षणादुक्तां संसिद्धिमलभमानः संशयानो निवर्तेतेति तन्निवृत्त्यर्थं पुनः कर्तव्यत्वोपदेशोऽर्थवानिति मत्वाह<br /> निश्चयेति।<br /> तयोः साधनत्वविधानमेवाक्षरयोजनया साधयति<br /> स यथेति।<br /> इह जन्मनि जन्मान्तरे वा सेत्स्यतीत्यध्यवसापः। योक्तव्यः कर्तव्यः।</div>

imported>Vij