https://iks.bhu.edu.in/index.php?action=history&feed=atom&title=Sbg_5.27_scsh 2026-04-29T12:48:40Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_5.27_scsh&diff=8769&oldid=prev 2025-12-04T06:22:26Z

<p>Added {content_identifier} content</p> <p><b>New page</b></p><div>Sanskrit Commentary By Sri Shankaracharya<br /> ।।5.27 5.28।।<br /> स्पर्शान्<br /> शब्दादीन्<br /> कृत्वा बहिः बाह्यान्<br /> श्रोत्रादिद्वारेण अन्तः बुद्धौ प्रवेशिताः शब्दादयः विषयाः तान् अचिन्तयतः शब्दादयो बाह्या बहिरेव कृताः भवन्ति तान् एवं बहिः कृत्वा<br /> चक्षुश्चैव अन्तरे भ्रुवोः<br /> कृत्वा इति अनुषज्यते। तथा<br /> प्राणापानौ नासाभ्यन्तरचारिणौ समौ कृत्वा यतेन्द्रियमनोबुद्धिः<br /> यतानि संयतानि इन्द्रियाणि मनः बुद्धिश्च यस्य सः यतेन्द्रियमनोबुद्धिः मननात्<br /> मुनिः<br /> संन्यासी<br /> मोक्षपरायणः<br /> एवं देहसंस्थानात् मोक्षपरायणः मोक्ष एव परम् अयनं परा गतिः यस्य सः अयं मोक्षपरायणो मुनिः भवेत्।<br /> विगतेच्छाभयक्रोधः<br /> इच्छा च भयं च क्रोधश्च इच्छाभयक्रोधाः ते विगताः यस्मात् सः विगतेच्छाभयक्रोधः<br /> यः<br /> एवं वर्तते<br /> सदा<br /> संन्यासी<br /> मुक्त एव सः<br /> न तस्य मोक्षायान्यः कर्तव्योऽस्ति।।एवं समाहितचित्तेन किं विज्ञेयम् इति उच्यते<br /> भोक्तारं<br /> यज्ञतपसां यज्ञानां तपसां च कर्तृरूपेण देवतारूपेण च<br /> सर्वलोकमहेश्वरं<br /> सर्वेषां लोकानां महान्तम् ईश्वरं<br /> सुहृदं<br /> सर्वभूतानां<br /> सर्वप्राणिनां प्रत्युपकारनिरपेक्षतया उपकारिणं सर्वभूतानां हृदयेशयं सर्वकर्मफलाध्यक्षं सर्वप्रत्ययसाक्षिणं मां नारायणं<br /> ज्ञात्वा शान्तिं<br /> सर्वसंसारोपरतिम्<br /> ऋच्छति<br /> प्राप्नोति।।इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्यश्रीमच्छंकरभगवतः कृतौ श्रीमद्भगवद्गीताभाष्ये<br /> <br /> <br /> पञ्चमोऽध्यायः।।</div>

imported>Vij