https://iks.bhu.edu.in/index.php?action=history&feed=atom&title=Sbg_4.6_scanand 2026-04-26T01:20:57Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_4.6_scanand&diff=7010&oldid=prev 2025-12-03T12:20:49Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।4.6।।ईश्वरस्य कारणाभावाज्जन्मैवायुक्तमतीतानेकजन्मवत्त्वं तु दूरोत्सारितमिति शङ्कते<br /> कथमिति।<br /> वस्तुतो जन्माभावे़ऽपि मायावशाज्जन्म संभवतीत्युत्तरमाह<br /> उच्यत इति।<br /> पारमार्थिकजन्मायोगे कारणं पूर्वार्धेनानूद्य प्रातिभासिकजन्मसंभवे कारणमाह<br /> प्रकृतिमिति।<br /> प्रकृतिशब्दस्य स्वरूपविषयत्वं प्रत्यादेष्टुमात्ममाययेत्युक्तम्। वस्तुतो जन्माभावे कारणानुवादभागं विवृणोति<br /> अजोऽपीत्यादिना।<br /> प्रातिभासिकजन्मसंभवे कारणकथनपरमुत्तरार्धं विभजते<br /> प्रकृतिमित्यादिना।<br /> प्रकृतिशब्दस्य स्वरूपशब्दपर्यायत्वं वारयति<br /> मायामिति।<br /> तस्याः स्वातन्त्र्यं निराकृत्य भगवदधीनत्वमाह<br /> ममेति।<br /> तस्याश्चाधिकरणद्वारेणावच्छिन्नत्वं सूचयति<br /> वैष्णवीमिति।<br /> मायाशब्दस्यापि प्रज्ञानामसु पाठाद्विज्ञानशक्तिविषयत्वमाशङ्क्याह<br /> त्रिगुणात्मिकामिति।<br /> तस्याः कार्यलिङ्गकमनुमानं सूचयति<br /> यस्या<br /> इति।<br /> जगतो मायावशवर्तित्वमेव स्फुटयति<br /> ययेति।<br /> यथा लोके कश्चिज्जातो देहवानालक्ष्यते एवमहमपि मायामाश्रित्य स्ववशया संभवामि जन्मव्यवहारमनुभवामि तेन मायामयमीश्वरस्य जन्मेत्याह<br /> तां<br /> प्रकृतिमित्यादिना।<br /> संभवामीत्युक्तमेव विभजते<br /> देहवानिति।<br /> अस्मदादेरिव तवापि परमार्थत्वाभिमानो जन्मादिविषये स्यादित्याशङ्क्य प्रागुक्तस्वरूपपरिज्ञानवत्त्वादीश्वरस्य मैवमित्याह<br /> न परमार्थत इति।<br /> आवृतज्ञानवतो लोकस्य जन्मादिविषये परमार्थत्वाभिमानः संभवतीत्याह<br /> लोकवदिति।</div>

imported>Vij