https://iks.bhu.edu.in/index.php?action=history&feed=atom&title=Sbg_4.41_scanand 2026-04-27T22:59:21Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_4.41_scanand&diff=7990&oldid=prev 2025-12-04T06:16:04Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।4.41।।यद्यपि संशयः सर्वानर्थहेतुत्वात्कर्तव्यो न भवति तथापि निवर्तकाभावे तदकरणमस्वाधीनमिति शङ्कते<br /> कस्मादिति।<br /> श्रुतियुक्तिप्रयुक्तमैक्यज्ञानं तन्निवर्तकमित्युत्तरमाह<br /> ज्ञानेति।<br /> संशयरहितस्यापि कर्माण्यनर्थहेतवो भवन्तीत्याशङ्क्याह<br /> योगेति।<br /> विषयपरवशस्य पुंसो योगायोगात्कुतो योगसंन्यस्तकर्मत्वमित्याशङ्क्याह<br /> आत्मवन्तमिति।<br /> परमार्थदर्शनतः संशयोच्छित्तौ तदुच्छेदकज्ञानमाहात्म्यादेव कर्मणां च निवृत्तावप्रमत्तस्य प्रातिभासिकानि कर्माणि बन्धहेतवो न भवन्तीत्याह<br /> न कर्माणीति।<br /> कर्मयोगादेव कर्मसंन्यासस्यानुपपत्तिमाशङ्क्याद्यं पादं विभजते<br /> परमार्थेति।<br /> तच्च वैधसंन्यासपक्षे परोक्षं फलसंन्यासपक्षे त्वपरोक्षमिति विवेकः। यथोक्तज्ञानेन संन्यस्तकर्मत्वमेव सति संशये न सिध्यति संशयवतस्तदयोगादिति शङ्कते<br /> कथमिति।<br /> द्वितीयं पादं व्याकुर्वन्परिहरति<br /> आहेत्यादिना।<br /> पाठक्रमादर्थक्रमस्य बलीयस्त्वादादौ द्वितीयं पादं व्याख्याय पश्चादाद्यं पादं व्याचक्षीतेत्याह<br /> य एवमिति।<br /> सर्वमिदं प्रमादवतो विषयपरवशस्य न सिध्यतीत्यभिसंधायात्मवन्तं व्याकरोति<br /> अप्रमत्तमिति।<br /> न कर्माणीत्यादिफलोक्तिं व्याचष्टे<br /> गुणचेष्टेति।<br /> अनिष्टादीत्यादिशब्देनेष्टं मिश्रं च गृह्यते।</div>

imported>Vij