https://iks.bhu.edu.in/index.php?action=history&feed=atom&title=Sbg_4.3_scanand 2026-04-26T04:46:01Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_4.3_scanand&diff=6926&oldid=prev 2025-12-03T12:20:05Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।4.3।।किमिति वर्तमाने काले प्रकृतो योगः संप्रदायरहितोऽभूदित्याशङ्क्याधिकार्यभावादित्याह<br /> दुर्बलानिति।<br /> तदेव दौर्बल्यं प्रकृतोपयोगित्वेन व्याकरोति<br /> अजितेन्द्रियानिति।<br /> यद्यपि कामक्रोधादिप्रधानान्पुरुषान्प्रतिलभ्य कामक्रोधादिभिरभिभूयमानो योगो नष्टो विच्छिन्नसंप्रदायः संजातस्तथापि योगादृते पुरुषार्थो लोकस्य लभ्यते चेत् किमनेन योगोपदेशेनेत्याशङ्क्य यथोक्तयोगाभावे परमपुरुषार्थाप्राप्तेर्मैवमित्याह<br /> लोकं चेति।<br /> पूर्वो योगो विच्छिन्नसंप्रदायोऽधुना त्वन्यो योगो मदर्थमुच्यतेभगवतेत्याशङ्क्याह<br /> स एवेति।<br /> कस्मादन्यस्मै यस्मै कस्मैचित्पुरातनो योगो नोक्तो भगवतेत्याशङ्क्याह<br /> भक्तोऽसीति।<br /> उक्तमधिकारिणं प्रति योगस्य वक्तव्यत्वे हेतुमाह<br /> रहस्यं हीति।<br /> अनादिवेदमूलत्वाद्योगस्य पुरातनत्वम्। भक्तिः शरणबुद्ध्या प्रीतिस्तया युक्तो निजरूपमवेक्ष्य भक्तो विवक्षितः। समानवयाः स्निग्धः सहायः सखेत्युच्यते। एतदिति कथं योगो विशेष्यते तत्राह<br /> ज्ञानमिति।</div>

imported>Vij