https://iks.bhu.edu.in/index.php?action=history&feed=atom&title=Sbg_4.25_scjaya 2026-04-27T14:03:10Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_4.25_scjaya&diff=7543&oldid=prev 2025-12-04T06:11:42Z

<p>Added {content_identifier} content</p> <p><b>New page</b></p><div>Sanskrit Commentary By Sri Jayatritha<br /> ।।4.25।।उत्तरप्रकरणप्रतिपाद्यं बुद्ध्यारोहार्थमाह<br /> यज्ञे<br /> ति। सामान्यतः कर्मस्वरूपमुक्तम् तच्च यज्ञादिभेदभिन्नम्। तत्रनायं लोकोऽस्ति 4।31 इति वक्ष्यति तदनुपपन्नम् यत्याद्याश्रमविलोपप्रसङ्गादित्याद्याशङ्कानिरासार्थमिति शेषः। तत्रदैवं देवविषयं इति व्याख्यानमसत्।द्रव्ययज्ञाः 4।28 इत्यस्य पुनरुक्तत्वादिति भावेनाह<br /> दैवमि<br /> ति। एवं तर्हिकेचित् भगवन्तमुपासते इत्युक्तं स्यात्। तथा च नेयं यज्ञोक्तिरित्यत आह<br /> स एवे<br /> ति। स इति परामृष्टं दर्शयति<br /> भगवदि<br /> ति। भगवदुपासनस्य यज्ञत्वमिह कथं लभ्यते इत्यत आह<br /> यज्ञमि<br /> ति। भगवदित्यादिकं क्रियाविशेषणत्वप्रदर्शनार्थमेकमेव वाक्यम्। साधनं परित्यज्य धात्वर्थमात्रस्य विशेषणं क्रियाविशेषणम्। अवधारणार्थं दर्शयति<br /> नान्यदि<br /> ति। अन्यद्भगवदुपासनात्। अनेन एवशब्दो भिन्नक्रम इत्युक्तं भवति। दैवमेवोपासते नान्यदिति तु प्रकृतासङ्गतम्। केषाञ्चित्परमहंसानाम्। अन्येषां बाह्यकर्मणोऽपि भावात्। यद्वाकेषाञ्चित् इत्यस्यैव व्याख्यानं यतीनामिति।ब्रह्माग्नौ इत्यस्यआत्मानमात्मनैव मनसा वा ब्रह्मणैकीभावयन्ति इति व्याख्यानमसदिति भावेन यज्ञमित्येतद्व्याचष्टे<br /> यज्ञमि<br /> ति। भगवतो यज्ञशब्दार्थत्वं कुतः इत्यत आह<br /> यज्ञेने<br /> ति।यज्ञेन इत्यस्यार्थमाह<br /> यज्ञेने<br /> ति। एवशब्देनापव्याख्यानं निराकरोति। एवं चेद्यज्ञमित्यस्य कथमन्वयः इत्यत आह<br /> यज्ञमि<br /> ति। एतद्व्याख्यानमन्यत्रातिदिशति<br /> इति सर्वत्रे<br /> ति। अतिप्रसङ्गनिवारणायसर्वत्र इत्युक्तं विवृणोति<br /> तमिति<br /> । एवं तर्ह्यग्रतो जातं तं पुरुषं यज्ञं भगवन्तं प्रति बर्हिषि प्रौक्षन्नित्यर्थः स्यात्। स च निर्मूल इत्यत आह<br /> उक्तं<br /> चेति।</div>

imported>Vij