https://iks.bhu.edu.in/index.php?action=history&feed=atom&title=Sbg_4.14_scmsSbg 4.14 scms - Revision history2026-04-26T23:02:38ZRevision history for this page on the wikiMediaWiki 1.44.3https://iks.bhu.edu.in/index.php?title=Sbg_4.14_scms&diff=7238&oldid=previmported>Vij: Added {content_identifier} content2025-12-04T06:09:17Z<p>Added {content_identifier} content</p>
<p><b>New page</b></p><div>Sanskrit Commentary By Sri Madhusudan Saraswati<br />
।।4.14।।कर्माणि विश्वसर्गादीनि मां निरहंकारत्वेन कर्तृत्वाभिमानहीनं भगवन्तं न लिम्पन्ति देहारम्भकत्वेन न बध्नन्ति। एवं कर्तृत्वं निराकरोति न मे ममाप्तकामस्य कर्मफले स्पृहा तृष्णा।आप्तकामस्य का स्पृहा इति श्रुतेः। कर्तृत्वाभिमानफलस्पृहाभ्यां हि कर्माणि लिम्पन्ति तदभावान्न मां कर्माणि लिम्पन्ति इति एवं योऽन्योऽपि मामकर्तारमभोक्तारं चात्मत्वेनाभिजानाति कर्मभिर्न स बध्यते। अकर्त्रात्मज्ञानेन मुच्यत इत्यर्थः।</div>imported>Vij