https://iks.bhu.edu.in/index.php?action=history&feed=atom&title=Sbg_4.14_scanand 2026-04-26T18:45:46Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_4.14_scanand&diff=7234&oldid=prev 2025-12-04T06:09:15Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।4.14।।ईश्वरस्य कर्तृत्वभोक्तृत्वयोर्वस्तुतोऽभावे कर्मतत्फलसंबन्धवैधुर्यं फलतीत्याह<br /> येषां त्विति।<br /> कर्मतत्फलसंस्पर्शशून्यमीश्वरं पश्यतो दर्शनानुरूपं फलं दर्शयति<br /> न मामिति।<br /> तानि कर्माणीति येषां कर्मणामहं कर्ता तवाभिमतस्तानीति यावत्। देहेन्द्रियाद्यारम्भकत्वेन तेषां कर्मणामीश्वरे संस्पर्शाभावे तस्य तत्कारणावस्थायामहंकाराभावं हेतुं करोति<br /> अहंकाराभावादिति।<br /> कर्मफलतृष्णाभावाच्चेश्वरं कर्माणि न लिम्पन्तीत्याह<br /> नचेति।<br /> उक्तमेव प्रपञ्चयति<br /> येषां त्विति।<br /> तदभावात्कर्मस्वहं कर्तेत्यभिमानस्य तत्फलेषु स्पृहायाश्चाभावादित्यर्थः। ईश्वरस्य कर्मनिर्लेपेऽपि क्षेत्रज्ञस्य किमायातमित्याशङ्क्योत्तरार्धं व्याचष्टे<br /> इत्येवमिति।<br /> अभिज्ञानप्रकारमभिनयति<br /> नाहमिति।<br /> ज्ञानफलं कथयति<br /> स कर्मभिरिति।<br /> कर्मासंबन्धं विदुषि विशदयति<br /> तस्यापीति।</div>

imported>Vij