https://iks.bhu.edu.in/index.php?action=history&feed=atom&title=Sbg_4.11_scsh 2026-04-26T17:18:15Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_4.11_scsh&diff=7145&oldid=prev 2025-12-03T12:21:58Z

<p>Added {content_identifier} content</p> <p><b>New page</b></p><div>Sanskrit Commentary By Sri Shankaracharya<br /> ।।4.11।।<br /> ये यथा<br /> येन प्रकारेण येन प्रयोजनेन यत्फलार्थितया<br /> मां प्रपद्यन्ते तान् तथैव<br /> तत्फलदानेन<br /> भजामि<br /> अनुगृह्णामि<br /> अहम्<br /> इत्येतत्। तेषां मोक्षं प्रति अनर्थित्वात्। न हि एकस्य मुमुक्षुत्वं फलार्थित्वं च युगपत् संभवति। अतः ये फलार्थिनः तान् फलप्रदानेन ये यथोक्तकारिणस्तु अफलार्थिनः मुमुक्षवश्च तान् ज्ञानप्रदानेन ये ज्ञानिनः संन्यासिनः मुमुक्षवश्च तान् मोक्षप्रदानेन तथा आर्तान् आर्तिहरणेन इत्येवं यथा प्रपद्यन्ते ये तान् तथैव भजामि इत्यर्थः। न पुनः रागद्वेषनिमित्तं मोहनिमित्तं वा कञ्चित् भजामि। सर्वथापि सर्वावस्थस्य<br /> मम<br /> ईश्वरस्य<br /> वर्त्म<br /> मार्गम्<br /> अनुवर्तन्ते मनुष्याः<br /> यत्फलार्थितया यस्मिन् कर्मणि अधिकृताः ये प्रयतन्ते ते मनुष्या अत्र उच्यन्ते हे<br /> पार्थ सर्वशः<br /> सर्वप्रकारैः।।यदि तव ईश्वरस्य रागादिदोषाभावात् सर्वप्राणिषु अनुजिघृक्षायां तुल्यायां सर्वफलप्रदानसमर्थे च त्वयि सति वासुदेवःसर्वम् इति ज्ञानेनैव मुमुक्षवः सन्तः कस्मात् त्वामेव सर्वे न प्रतिपद्यन्ते इति शृणु तत्र कारणम्</div>

imported>Vij