https://iks.bhu.edu.in/index.php?action=history&feed=atom&title=Sbg_3.37_scsh 2026-04-25T20:30:37Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_3.37_scsh&diff=6669&oldid=prev 2025-12-03T12:18:03Z

<p>Added {content_identifier} content</p> <p><b>New page</b></p><div>Sanskrit Commentary By Sri Shankaracharya<br /> ।।3.37।। ऐश्वर्यस्य समग्रस्य धर्मस्य यशसः श्रियः। वैराग्यस्याथ मोक्षस्य षण्णां भग इतीरणा (विष्णु पु0 6।5।74) ऐश्वर्यादिषट्कं यस्मिन् वासुदेवे नित्यमप्रतिबद्धत्वेन सामस्त्येन च वर्तते उत्पत्तिं प्रलयं चैव भूतानामागतिं गतिम्। वेत्ति विद्यामविद्यां च स वाच्यो भगवानिति (विष्णु प0 6।5।78) उत्पत्त्यादिविषयं च विज्ञानं यस्य स वासुदेवः वाच्यः भगवान् इति।।<br /> काम एषः<br /> सर्वलोकशत्रुः यन्निमित्ता सर्वानर्थप्राप्तिः प्राणिनाम्। स एष कामः प्रतिहतः केनचित् क्रोधत्वेन परिणमते। अतः<br /> क्रोधः<br /> अपि<br /> एष<br /> एव<br /> रजोगुणसमुद्भवः<br /> रजश्च तत् गुणश्च रजोगुणः सः समुद्भवः यस्य सः कामः<br /> रजोगुणसमुद्भवः<br /> रजोगुणस्य वा समुद्भवः। कामो हि उद्भूतः रजः प्रवर्तयन् पुरुषं प्रवर्तयति तृष्णया हि अहं कारितः इति दुःखिनां रजःकार्ये सेवादौ प्रवृत्तानां प्रलापः श्रूयते।<br /> महाशनः<br /> महत् अशनं अस्येति महाशनः अत एव<br /> महापाप्मा<br /> कामेन हि प्रेरितः जन्तुः पापं करोति। अतः<br /> विद्धि एनं<br /> कामम् इह संसारे<br /> वैरिणम्<br /> ।।कथं वैरी इति दृष्टान्तैः प्रत्याययति</div>

imported>Vij