https://iks.bhu.edu.in/index.php?action=history&feed=atom&title=Sbg_3.33_scanand 2026-04-25T18:21:08Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_3.33_scanand&diff=6562&oldid=prev 2025-12-03T12:17:10Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।3.33।।भगवन्मतानुवर्तनमन्तरेण परधर्मानुष्ठाने स्वधर्माननुष्ठाने च कारणं पृच्छति<br /> कस्मादिति।<br /> भगवत्प्रतिकूलत्वमेव तत्र कारणमित्याशङ्क्याह<br /> तत्प्रतिकूला इति।<br /> राजानुशासनातिक्रमे दोषदर्शनाद्भगवदनुशासनातिक्रमेऽपि दोषसंभवात्प्रतिकूलत्वं भयकारणमित्यर्थः। उत्तरत्वेन श्लोकमवतारयति<br /> सदृशमिति।<br /> तत्राहेति। सर्वस्य प्राणिवर्गस्य प्रकृतिवशवर्तित्वे कैमुतिकन्यायं सूचयति<br /> ज्ञानवानपीति।<br /> सर्वाण्यपि भूतान्यनिच्छन्त्यपि प्रकृतिसदृशीं चेष्टां गच्छन्तीति निगमयति<br /> प्रकृतिमिति।<br /> भूतानां प्रकृत्यधीनत्वेऽपि प्रकृतिर्भगवता निग्राह्येत्याशङ्क्याह<br /> निग्रह इति।<br /> का पुनरियं प्रकृतिर्यदनुसारिणी भूतानां चेष्टेति पृच्छति<br /> प्रकृतिर्नामेति।<br /> भगवदभिप्रेतां प्रकृतिं प्रकटयति<br /> पूर्वेति।<br /> आदिशब्देन ज्ञानेच्छादि संगृह्यते। यथोक्तः संस्कारः स्वशक्त्या प्रवर्तकश्चेत्प्रलयेऽपि प्रवृत्तिः स्यादित्याशङ्क्य विशिनष्टि<br /> वर्तमानेति।<br /> सर्वो जन्तुरित्युक्तं विवेकिप्रवृत्तेरतथात्वादित्याशङ्क्यपश्वादिमिश्चाविशेषात् इति न्यायमनुसरन्नाह<br /> ज्ञानवानिति।<br /> ज्ञानवतामज्ञानवतां च प्रकृत्यधीनत्वाविशेषे फलितमाह<br /> तस्मादिति।<br /> प्रकृतिं यान्ति प्रकृतिसदृशीं चेष्टां गच्छन्त्यनिच्छन्त्यपि सर्वाणि भूतानीत्यर्थः। प्रकृतेर्भगवता तत्तुल्येन वा केनचिन्निग्रहमाशङ्क्यावतारितचतुर्थपादस्यार्थापेक्षितं पूरयति<br /> मम वेति।</div>

imported>Vij