https://iks.bhu.edu.in/index.php?action=history&feed=atom&title=Sbg_3.18_scanand 2026-04-24T21:17:27Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_3.18_scanand&diff=6142&oldid=prev 2025-12-03T12:12:46Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।3.18।।इतश्चात्मविदो न किंचित्कर्तव्यमित्याह<br /> किञ्चेति।<br /> अभ्युदयनिःश्रेयसयोरन्यतरत्प्रयोजनं कृतेन सुकृतेनात्मविदो भविष्यतीत्याशङ्क्याह<br /> नैवेति।<br /> प्रत्यवायनिवृत्तये स्वरूपप्रच्युतिप्रत्याख्यानाय वा कर्म स्यादित्याशङ्क्याह<br /> नेत्यादिना।<br /> ब्रह्मादिषु स्थावरान्तेषु भूतेषु कंचिद्भूतविशेषमाश्रित्य कश्चिदर्थो विदुषः साध्यो भविष्यति तदर्थं तेन कर्तव्यं कर्मेत्याशङ्क्याह<br /> नचेति।<br /> तत्राद्यं पादमादत्ते<br /> नैवेति।<br /> तं व्याचष्टे<br /> तस्येति।<br /> आत्मविदः स्वर्गाद्यभ्युदयानर्थित्वं निःश्रेयसस्य च प्राप्तत्वान्न कृतं कर्मार्थवदित्यर्थः। आत्मविदा चेत्कर्म न क्रियते तर्हि तेनाकृतेन तस्यानर्थो भविष्यतीति तत्प्रत्याख्यानार्थं तस्य कर्तव्यं कर्मेति शङ्कते<br /> तर्हीति।<br /> द्वितीयपादेनोत्तरमाह<br /> नेत्यादिना।<br /> अतो न तन्निवृत्त्यर्थं कृतमर्थवदिति शेषः। द्वितीयं भागं विभजते<br /> नचास्येति।<br /> व्यपाश्रयणमालम्बनं नेति संबन्धः। पदार्थमुक्त्वा वाक्यार्थमाह<br /> कंचिदिति।<br /> भूतविशेषस्याश्रितस्यापि क्रियाद्वारा प्रयोजनप्रसवहेतुत्वमिति मत्वाह<br /> येनेति।<br /> तर्हि मयापि यथोक्तं तत्त्वमाश्रित्य त्याज्यमेव कर्मेत्यर्जुनस्य मतमाशङ्क्याह<br /> न त्वमिति।</div>

imported>Vij