https://iks.bhu.edu.in/index.php?action=history&feed=atom&title=Sbg_3.14_scanand 2026-04-24T13:44:38Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_3.14_scanand&diff=6030&oldid=prev 2025-12-03T12:11:52Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।3.14।।देवयज्ञादिकं कर्माधिकृतेन कर्तव्यमित्यत्र हेत्वन्तरमितःशब्दोपात्तमेव दर्शयति<br /> जगदिति।<br /> ननु भुक्तमन्नं रेतोलोहितपरिणतिक्रमेण प्रजारूपेण जायते तच्चान्नं वृष्टिसंभवं प्रत्यक्षदृष्टं तत्कथं कर्मणो जगच्चक्रप्रवर्तकत्वमिति शङ्कते<br /> कथमिति।<br /> पारंपर्येण कर्मणस्तद्धेतुत्वं साधयति<br /> उच्यत इति।<br /> उक्तेऽर्थे स्मृत्यन्तरं संवादयति<br /> अग्नाविति।<br /> तत्र हि देवताभिध्यानपूर्वकं तदुद्देशेन प्रहिताहुतिरपूर्वतां गता रश्मिद्वारेणादित्यमारुह्य वृष्ट्यात्मना पृथिवीं प्राप्य व्रीहियवाद्यन्नभावमापद्य संस्कृतोपभुक्ता शुक्रशोणितरूपेण परिणता प्रजाभावं प्राप्नोतीत्यर्थः। यज्ञः कर्मसमुद्भव इत्ययुक्तं स्वस्यैव स्वोद्भवे कारणत्वायोगादित्याशङ्क्याह<br /> ऋत्विगिति।<br /> द्रव्यदेवतयोः संग्राहकश्चकारः।</div>

imported>Vij