https://iks.bhu.edu.in/index.php?action=history&feed=atom&title=Sbg_2.72_scram 2026-04-18T08:25:35Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_2.72_scram&diff=5637&oldid=prev 2025-12-03T12:08:45Z

<p>Added {content_identifier} content</p> <p><b>New page</b></p><div>Sanskrit Commentary By Sri Ramanuja<br /> ।।2.72।।<br /> एषा<br /> नित्यात्मज्ञानपूर्विका असङ्गकर्मणि<br /> स्थितिः<br /> स्थितधीलक्षणा<br /> ब्राह्मी<br /> ब्रह्मप्रापिका। ईदृशीं कर्मस्थितिं<br /> प्राप्य न विमुह्यति<br /> न पुनः संसारम् आप्नोति।<br /> अस्यां<br /> स्थित्याम् अन्तिमे अपि वयसि<br /> स्थित्वा ब्रह्म निर्वाणम् ऋच्छति<br /> निर्वाणमयं ब्रह्म गच्छति सुखैकतानम् आत्मानम् आप्नोति इत्यर्थः।<br /> <br /> एवम् आत्मयाथात्म्यं युद्धाख्यस्य च कर्मणः तत्प्राप्तिसाधनताम् अजानतः शरीरात्मज्ञानेन मोहितस्य तेन च मोहेन युद्धात् निवृत्तस्य तन्मोहशान्तये नित्यात्मविषया सांख्यबुद्धिः तत्पूर्विका च असङ्गकर्मानुष्ठानरूपकर्मयोगविषया बुद्धिः स्थितप्रज्ञतायोगसाधनभूता द्वितीयेऽध्याये प्रोक्ता। तदुक्तम् नित्यात्मासङ्गकर्मेहागोचरा सांख्ययोगधीः। द्वितीये स्थितधीलक्ष्या प्रोक्ता तन्मोहशान्तये।। (गीतार्थसंग्रहे 6) इति।</div>

imported>Vij