https://iks.bhu.edu.in/index.php?action=history&feed=atom&title=Sbg_2.71_scanand 2026-04-18T08:42:36Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_2.71_scanand&diff=5610&oldid=prev 2025-12-03T12:08:32Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।2.71।।यदि गृहस्थेनापि मनसा समस्ताभिमानं हित्वा कूटस्थं ब्रह्मात्मानं परिभावयता ब्रह्मनिर्वाणमाप्यते प्राप्तं तर्हि मौढ्यादिविडम्बनमेवेत्याशङ्क्याह<br /> यस्मादिति।<br /> शब्दादिविषयप्रवणस्य तत्तदिच्छाभेदमानिनो न मुक्तिरिति व्यतिरेकस्य सिद्धत्वात् पूर्वोक्तमन्वयं निगमयितुमनन्तरं वाक्यमित्यर्थः। अशेषविषयत्यागे जीवनमपि कथमित्याशङ्क्याह<br /> जीवनेति।<br /> संभवद्रागद्वेषादिके देशे निवासव्यावृत्त्यर्थं चरतीत्येतद्व्याचष्टे<br /> पर्यटतीति।<br /> विहाय कामानित्यनेन पुनरुक्तिं परिहरति<br /> शरीरेति।<br /> निःस्पृहत्वमुक्त्वा निर्ममत्वं पुनर्वदन् कथं पुनरुक्तिमार्थिकीं न पश्यसीत्याशङ्क्याह<br /> शरीरजीवनेति।<br /> सत्यहंकारे ममकारस्यावश्यकत्वान्निरहंकारत्वं व्याकरोति<br /> विद्यावत्त्वादीति।<br /> स शान्तिमाप्नोतीत्युक्तमुपसंहरति<br /> स एवंभूत इति।<br /> संन्यासिनो मोक्षमपेक्षमाणस्य सर्वकामपरित्यागादीनि श्लोकोक्तानि विशेषणानि यत्नसाध्यानि तत्संमतिफलं तु कैवल्यमित्यर्थः।</div>

imported>Vij