https://iks.bhu.edu.in/index.php?action=history&feed=atom&title=Sbg_2.66_scanand 2026-04-18T19:33:14Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_2.66_scanand&diff=5470&oldid=prev 2025-12-03T12:07:24Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।2.66।।किं पुनः सत्त्वशुद्ध्यैव यथोक्तबुद्धिः सिध्यति नेत्याह<br /> सेयमिति।<br /> असमाहितस्यापि बुद्धिमात्रमुत्पद्यमानं प्रतिभातीत्याशङ्क्य विशिनष्टि<br /> आत्मस्वरूपेति।<br /> नहि विक्षिप्तचित्तस्यात्मस्वरूपविषया बुद्धिरुदेतुमर्हतीत्यत्र हेतुमाह<br /> नचेति।<br /> आत्मज्ञाने शब्दादापाततो जाते स्मृतिसन्तानकरणं साक्षात्कारार्थमभिनिवेशो भावनेति चोच्यते। न चासौ विक्षिप्तबुद्धेः सिध्यतीति हेत्वर्थं विवक्षित्वाह<br /> आत्मज्ञानेति।<br /> भावनाद्वारा साक्षात्काराभावेऽपि का क्षतिरित्याशङ्क्याह<br /> तथेति।<br /> असमाहितस्य भावनाभाववदिति यावत्। आत्मन्यापाततो ज्ञाते श्रवणाद्यावृत्तिरूपां स्मृतिमनातन्वानस्यापरोक्षबुद्ध्यभावेनानर्थनिवृत्तिः सिध्यतीत्याह<br /> उपशम इति।<br /> अनिवृत्तानर्थस्य परमानन्दसागराद्विभक्तस्य संसारवारिधौ निमग्नस्य सुखाविर्भावो न संभवतीत्याह<br /> अशान्तस्येति।<br /> तस्यापि विषयसेवातो वैषयिकं सुखं संभवतीत्याशङ्क्याह<br /> इन्द्रियाणां हीति।<br /> तृष्णाक्षयस्य शास्त्रप्रसिद्धमानुभविकं च सुखत्वमिति वक्तुं हिशब्दः। विषयसेवातृष्णयापि विषयोपभोगद्वारा सुखमुपलब्धमित्याशङ्क्याह<br /> दुःखमेवेति।<br /> तत्रापि हिशब्दोऽनुभवद्योती। तदेव स्पष्टयति<br /> नेत्यादिना।</div>

imported>Vij