https://iks.bhu.edu.in/index.php?action=history&feed=atom&title=Sbg_2.60_scanand 2026-04-17T22:08:56Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_2.60_scanand&diff=5302&oldid=prev 2025-12-03T12:05:57Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।2.60।।श्लोकान्तरमवतारयति<br /> सम्यग्दर्शनेति।<br /> मनसः स्ववशत्वादेव प्रज्ञास्थैर्यसंभवे किमर्थमिन्द्रियाणां स्ववशत्वापादनमित्याशङ्क्याह<br /> यस्मादिति।<br /> ननु विवेकवतो विषयदोषदर्शिनो विषयेभ्यः स्वयमेवेन्द्रियाणि व्यावर्तन्ते किं तत्र प्रज्ञास्थैर्यं चिकीर्षता कर्तव्यमिति तत्राह<br /> यततो हीति।<br /> विषयेषु भूयो भूयो दोषदर्शनमेव प्रयत्नः। हिशब्दस्य यस्मादर्थस्य समाप्तौ संबन्धं वक्ष्यति। अपिशब्दस्य प्रयत्नं कुर्वतोऽपीति संबन्धं गृहीत्वा संबन्धान्तरमाह<br /> पुरुषस्येति।<br /> प्रमथनशीलत्वं प्रकटयति<br /> विषयेति।<br /> विक्षोभस्याकुलीकरणस्य फलमाह<br /> आकुलीकृत्येति।<br /> प्रकाशमेवेत्युक्तं विशदयति<br /> पश्यत इति।<br /> विपश्चितो विदुषोऽपि प्रकाशमेव प्रकाशशब्दितविवेकाख्यविज्ञानेन युक्तमेव मनो हरन्तीन्द्रियाणीति संबन्धः। हिशब्दार्थमनूद्य तस्मादिन्द्रियाणि स्ववशे स्थापयितव्यानीति पूर्वेण संबन्धमभिसन्धायाह<br /> यतस्तस्मादिति।</div>

imported>Vij