https://iks.bhu.edu.in/index.php?action=history&feed=atom&title=Sbg_2.58_scanand 2026-04-18T02:39:39Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_2.58_scanand&diff=5246&oldid=prev 2025-12-03T12:05:30Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।2.58।।जिज्ञासोरेव कर्तव्यान्तरं सूचयति<br /> किञ्चेति।<br /> इन्द्रियाणां विषयेभ्यो वैमुख्यस्य प्रज्ञास्थैर्ये कारणत्वादादौ जिज्ञासुना तदनुष्ठेयमित्याह<br /> यदेति।<br /> मुमुक्षुणा मोक्षहेतुं प्रज्ञां प्रार्थयमानेन सर्वेभ्यो विषयेभ्यः सर्वाणीन्द्रियाणि विमुखानि कर्तव्यानीति श्लोकव्याख्यानेन कथयति<br /> यदेत्यादिना।<br /> उपसंहारः स्ववशत्वापादनं तस्य च सम्यक्त्वमतिदृढत्वम्। अयमिति प्रकृतस्थितप्रज्ञग्रहणं व्यावर्तयति<br /> ज्ञाननिष्ठायामिति।<br /> इन्द्रियोपसंहारस्य प्रलयरूपत्वं व्यावर्त्य संकोचात्मकत्वं दृष्टान्तेन दर्शयति<br /> कूर्म इति।<br /> दृष्टान्तं व्याकरोति<br /> यथेति।<br /> दार्ष्टान्तिके योजयन्ज्ञाननिष्ठापदं तत्र प्रवर्तयति<br /> एवमिति।<br /> इन्द्रियाणां विषयेभ्यो वैमुख्यकरणं प्रज्ञास्थैर्यहेतुरित्युक्तमुपसंहरति<br /> तस्येति।</div>

imported>Vij