https://iks.bhu.edu.in/index.php?action=history&feed=atom&title=Sbg_2.49_scram 2026-04-19T22:54:06Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_2.49_scram&diff=4993&oldid=prev 2025-12-03T12:03:27Z

<p>Added {content_identifier} content</p> <p><b>New page</b></p><div>Sanskrit Commentary By Sri Ramanuja<br /> ।।2.49।।यः अयं प्रधानफलत्यागविषयः अवान्तरफलसिद्ध्यसिद्ध्योः समत्वविषयश्च बुद्धियोगः तद्युक्तात् कर्मणः इतरत्<br /> कर्मदूरेण अवरम्।<br /> महद् एतद् द्वयोः उत्कर्षापकर्षरूपं वैरूप्यम् उक्तबुद्धियोगयुक्तं कर्म निखिलं सांसारिकं दुःखं विनिवर्त्य परमपुरुषार्थलक्षणं च मोक्षं प्रापयति इतरद् अपरिमितदुःखरूपं संसारम् इति अतः कर्मणि क्रियमाणे उक्तायां<br /> बुद्धौ शरणम् अन्विच्छ।<br /> शरणं वासस्थानम् तस्याम् एव बुद्धौ वर्तस्व इत्यर्थः।<br /> कृपणाः फलहेतवः<br /> फलसङ्गादिना कर्म कुर्वाणाः कृपणाः संसारिणो भवेयुः।</div>

imported>Vij