https://iks.bhu.edu.in/index.php?action=history&feed=atom&title=Sbg_2.45_scram 2026-05-16T22:09:52Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_2.45_scram&diff=4881&oldid=prev 2025-12-03T12:02:06Z

<p>Added {content_identifier} content</p> <p><b>New page</b></p><div>Sanskrit Commentary By Sri Ramanuja<br /> ।।2.45।।त्रयो गुणाः त्रैगुण्यं सत्त्वरजस्तमांसि सत्त्वरजस्तमःप्रचुराः पुरुषाः त्रैगुण्यशब्देन उच्यन्ते। तद्विषया वेदाः तमःप्रचुराणां रजःप्रचुराणां सत्त्वप्रचुराणां च वत्सलतरतया एव हितम् अवबोधयन्ति वेदाः।<br /> <br /> यदि एषां स्वगुणानुगुण्येन स्वर्गादिसाधनम् एव हितं न अवबोधयन्ति तदा एव ते रजस्तमःप्रचुरतया सात्त्विकफलमोक्षविमुखाः स्वापेक्षितफलसाधनम् अजानन्तः कामप्रावण्यविवशा अनुपायेषु उपायभ्रान्त्या प्रविष्टाः प्रणष्टा भवेयुः। अतः<br /> त्रैगुण्यविषया वेदाः<br /> त्वं तु<br /> निस्त्रैगुण्यो<br /> भव इदानीं सत्त्वप्रचुरः त्वं तदेव वर्धय नान्योन्यसंकीर्णगुणत्रयप्रचुरो भव। न तत्प्राचुर्यं वर्धय इत्यर्थः<br /> निर्द्वन्द्वः<br /> निर्गतसकलसांसारिकस्वभावः।<br /> नित्यसत्त्वस्थः<br /> गुणद्वयरहितनित्यप्रवृद्धसत्त्वस्थो भव।<br /> <br /> कथम् इति चेत्<br /> निर्योगक्षेमः<br /> आत्मस्वरूपतत्प्राप्त्युपायबहिर्भूतानाम् अर्थानां योगं प्राप्तानां च क्षेमं परिपालनं परित्यज्य<br /> आत्मवान्<br /> भव आत्मस्वरूपान्वेषणपरो भव। अप्राप्तस्य प्राप्तिः योगः प्राप्तस्य परिरक्षणं क्षेमः। एवं वर्तमानस्य ते रजस्तमः प्रचुरता नश्यति सत्त्वं च वर्धते।<br /> <br /> न च वेदोदितं सर्वं सर्वस्य उपादेयम्</div>

imported>Vij