https://iks.bhu.edu.in/index.php?action=history&feed=atom&title=Sbg_2.31_scanand 2026-04-12T10:39:18Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_2.31_scanand&diff=4490&oldid=prev 2025-12-03T11:58:08Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।2.31।।श्लोकान्तरमवतारयन्वृत्तं कीर्तयति<br /> इहेति।<br /> पूर्वश्लोकः सप्तम्यर्थः यत्पारमार्थिकं तत्त्वं तदपेक्षायामेव केवलं शोकमोहयोरसंभवो न भवति किंतु स्वधर्ममपि चावेक्ष्येति संबन्धः। स्वकीयं क्षात्रधर्ममनुसंधाय ततश्चलनं परिहर्तव्यमित्यर्थः। यद्धि क्षत्रियस्य धर्मादनपेतं श्रेयःसाधनं तदेव मयानुवर्तितव्यमित्याशङ्क्याह<br /> धर्मादिति।<br /> जातिप्रयुक्तं स्वाभाविकं स्वधर्ममेव विशिनष्टि<br /> क्षत्रियस्येति।<br /> पुनर्नकारोपादानमन्वयार्थम्। प्रचलितुमयोग्यत्वे प्रतियोगिनं दर्शयति<br /> स्वाभाविकादिति।<br /> स्वाभाविकत्वमशास्त्रीयत्वमिति शङ्कां वारयितुं तात्पर्यमाह<br /> आत्मेति।<br /> आत्मनः स्वस्यार्जुनस्य स्वाभाव्यं क्षत्रियस्वभावप्रयुक्तं वर्णाश्रमोचितं कर्म तस्मादित्यर्थः। धर्मार्थं प्रजापरिपालनार्थं च प्रयतमानस्य युद्धादुपरिरंसा श्रद्धातव्येत्याशङ्क्याह<br /> तच्चेति।<br /> ततोऽपि श्रेयस्करं किंचिदनुष्ठातुं युद्धादुपरतिरुचितेत्याशङ्क्याह<br /> तस्मादिति।<br /> तस्माद्युद्धात्प्रचलनमनुचितमिति शेषः।</div>

imported>Vij