https://iks.bhu.edu.in/index.php?action=history&feed=atom&title=Sbg_2.28_scanand 2026-04-12T10:38:19Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_2.28_scanand&diff=4406&oldid=prev 2025-12-03T11:57:02Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।2.28।।आत्मानमुद्दिश्यानुशोकस्य कर्तुमयोग्यत्वेऽपि भूतसंघातात्मकानि भूतान्युद्दिश्य तस्य कर्तव्यत्वमाशङ्क्याह<br /> कार्येति।<br /> समनन्तरश्लोकस्तत्र हेतुरित्याह<br /> यत इति।<br /> चाक्षुषदर्शनमात्रवृत्तिं व्यावर्तयति<br /> अनुपलब्धिरिति।<br /> नहि यथोक्तसंघातरूपाणि भूतानि पूर्वमुत्पत्तेरुपलभ्यन्ते तेन तानि तथा व्यपदेशभाञ्जि भवन्तीत्यर्थः। किं तन्मध्यं यदेषां व्यक्तमिष्यते तदाह<br /> उत्पन्नानीति।<br /> उत्पत्तेरूर्ध्वं मरणाच्च पूर्वं व्यावहारिकं सत्त्वं मध्यमेषां व्यक्तमिति तथोच्यते जन्मानुसारित्वं विलयस्य युक्तमिति मत्वा तात्पर्यार्थमाह<br /> मरणादिति।<br /> उक्तेऽर्थे पौराणिकसंमतिमाह<br /> तथाचेति।<br /> तत्रेत्यस्यार्थमाह<br /> अदृष्टेति।<br /> पूर्वमदृष्टानि सन्ति पुनर्दृष्टानि तान्येव पुनर्नष्टानि तदेवं भ्रान्तिविषयतया घटिकायन्त्रवच्चक्रीभूतेषु शोकनिमित्तस्य प्रलापस्य नावकाशोऽस्तीत्यर्थः।</div>

imported>Vij