https://iks.bhu.edu.in/index.php?action=history&feed=atom&title=Sbg_2.25_scanand 2026-04-11T21:20:43Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_2.25_scanand&diff=4322&oldid=prev 2025-12-03T11:56:20Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।2.25।।त्वंपदार्थपरिशोधनस्य प्रकृतत्वात्तत्रैव हेत्वन्तरमाह<br /> किञ्चेति।<br /> आत्मनो नित्यत्वादिलक्षणस्य तथैवं प्रथा किमिति न भवति तत्राह<br /> अव्यक्त इति।<br /> मा तर्हि प्रत्यक्षत्वं भूदनुमेयत्वं तु तस्य किं न स्यादित्याशङ्क्याह<br /> अतएवेति।<br /> तदेव प्रपञ्चयति<br /> यद्धीति।<br /> अतीन्द्रियत्वेऽपि सामान्यतो दृष्टविषयत्वं भविष्यतीत्याशङ्क्य कूटस्थेनात्मना व्याप्तिलिङ्गाभावान्मैवमित्याह<br /> अविकार्य इति।<br /> अविकार्यत्वे व्यतिरेकदृष्टान्तमाह<br /> यथेति।<br /> किं चात्मा न विक्रियते निरवयवद्रव्यत्वाद्धटादिवदिति व्यतिरेक्यनुमानमाह<br /> निरवयवत्वाच्चेति।<br /> निरवयवत्वेऽपि विक्रियावत्त्वे का क्षतिरित्याशङ्क्याह<br /> नहीति।<br /> सावयवस्यैव विक्रियावत्त्वदर्शनाद् विक्रियावत्त्वे निरवयवत्वानुपपत्तिरित्यर्थः। यद्धि सावयवं सक्रियं क्षीरादि तद्दध्यादिना विकारमापद्यते नचात्मनः श्रुतिप्रमितनिरवयवत्वस्य सावयवत्वमतोऽविक्रियत्वान्नायं विकार्यो भवितुमलमिति फलितमाह<br /> अविक्रियत्वादिति।<br /> आत्मयाथात्म्योपदेशमशोच्यानन्वशोचस्त्वमित्युपक्रम्य व्याख्यातमुपसंहरति<br /> तस्मादिति।<br /> अव्यक्तत्वाचिन्त्यत्वाविकार्यत्वनित्यत्वसर्वगतत्वादिरूपो यस्मादात्मा निर्धारितस्तस्मात्तथैव ज्ञातुमुचितस्तज्ज्ञानस्य फलवत्त्वादित्यर्थः। प्रतिषेध्यमनुशोकमेवाभिनयति<br /> हन्ताहमिति।</div>

imported>Vij