https://iks.bhu.edu.in/index.php?action=history&feed=atom&title=Sbg_2.24_scanand 2026-04-11T21:25:47Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_2.24_scanand&diff=4294&oldid=prev 2025-12-03T11:56:04Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।2.24।।पृथिव्यादिभूतप्रयुक्तच्छेदनाद्यर्थक्रियाभावे योग्यताभावं कारणमाह<br /> यत इति।<br /> पूर्वार्धमुत्तरार्धे हेतुत्वेन योजयति<br /> यस्मादिति।<br /> नित्यत्वादीनामन्योन्यं हेतुहेतुमद्भावं सूचयति<br /> नित्यत्वादित्यादिना।<br /> नच नित्यत्वं परमाणुषु व्यभिचारादसाधकं सर्वगतत्वस्येति वाच्यम्। तेषामेवाप्रामाणिकत्वेन व्यभिचारानवतारात्। न च सर्वगतत्वेऽपि विक्रियाशक्तिमत्त्वमात्मनोऽस्तीति युक्तं विभुत्वेनाभिमते नभसि तदनुपलम्भात्। न च विक्रियाशक्तिमत्त्वे स्थैर्यमास्थातुं शक्यं तथाविधस्य मृदादेरस्थिरत्वदर्शनादित्याशयेनाह<br /> स्थिरत्वादिति।<br /> स्वतो नित्यत्वेऽपि कारणान्नाशसंभवादुत्पत्तिरपि संभावितेति कुतश्चिरंतनत्वमित्याशङ्क्याह<br /> न कारणादिति।<br /> आत्मनोऽविक्रियत्वस्य न जायते म्रियते वेत्यादिना साधितत्वात्तस्यैव पुनःपुनरभिधाने पुनरुक्तिरित्याशङ्क्याह<br /> नैतेषामिति।<br /> अनाशङ्कनीयस्य चोद्यस्य प्रसङ्गं दर्शयति<br /> यत इति।<br /> अतो वेदाविनाशिनमित्यादौ शङ्क्यते पौनरुक्त्यमिति विशेषः। कथं तत्र पौनरुक्त्याशङ्का समुन्मिषति तत्राह<br /> तत्रेति।<br /> वेदाविनाशिनमित्यादिश्लोकः सप्तम्या परामृश्यते श्लोकशब्देन न जायते म्रियते वेत्यादिरुच्यते। नन्विह श्लोके जन्ममरणाद्यभावोऽभिलक्ष्यते वेदेत्यादौ पुनरपक्षयाद्यभावो विवक्ष्यते तत्र कथमर्थातिरेकाभावमादाय पौनरुक्त्यं चोद्यते तत्राह<br /> किञ्चिदिति।<br /> कथं तर्हि पौनरुक्त्यं न चोदनीयमिति मन्यसे तत्राह<br /> दुर्बोधत्वादिति।<br /> पुनःपुनर्विधानभेदेन वस्तु निरूपयतो भगवतोऽभिप्रायमाह<br /> कथं न्विति।</div>

imported>Vij