https://iks.bhu.edu.in/index.php?action=history&feed=atom&title=Sbg_2.19_scang 2026-04-11T12:38:49Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_2.19_scang&diff=4152&oldid=prev 2025-12-03T11:54:35Z

<p>Added {content_identifier} content</p> <p><b>New page</b></p><div>Sanskrit Commentary By Sri Abhinavgupta<br /> ।।2.19।।अन्तवन्त इति। देहाः निरुपाख्याताकले (S निरुपाख्यकाले) स्थूलविनाशयोगिनः तदन्यथानुपपत्तेरेव च विनाशिनः प्रतिक्षणमवस्थान्तरभागिनः। यदुक्तम्<br /> <br /> <br /> अन्ते पुराणतां (S पुराणं दृष्ट्वा) दृष्ट्वा प्रतिक्षणं नवत्वहानिरनुमीयते इति। मुनिनापि<br /> <br /> <br /> कलानां पृथगर्थानां प्रतिभेदः क्षणे क्षणे।<br /> <br /> <br /> वर्तते सर्वभावेषु सौक्ष्म्यात्तु न विभाव्यते।।<br /> <br /> <br /> (M Santi. Moksa. Ch. 308 verse 121 ) इति।<br /> <br /> <br /> पृथगर्थानामति पृथगर्थक्रियाकारित्वादिति यावत्। देहा अन्तवन्तः विनाशिनश्च। आत्मा तु नित्यः यतोऽप्रमेयः। प्रमेयस्य तु जडस्य परिणामित्वम् न तु अजडस्य चिदेकरूपस्य स्वभावान्तरायोगात्। एवं देहा नित्यमन्तवन्त इति शोचितुमशक्याः। आत्मा नित्यमविनाशी तेन न शोचनार्हः। तन्त्रेण अयमेकः कृत्यप्रत्ययो द्वयोरर्थयोर्मुनिना दर्शितः अशोच्यान् इति।</div>

imported>Vij