https://iks.bhu.edu.in/index.php?action=history&feed=atom&title=Sbg_2.19_scanand 2026-04-11T14:16:12Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_2.19_scanand&diff=4154&oldid=prev 2025-12-03T11:54:36Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।2.19।।अविनाशि तु तद्विद्धि इत्यत्र पूर्वार्धेन तत्पदार्थसमर्थनमुत्तरार्धेन निरीश्वरवादस्य परिणामवादस्य वा निराकरणमात्मनि जन्मादिप्रतिभानस्यौपचारिकत्वप्रदर्शनार्थमन्तवन्त इत्यादि वचनमिति केचित्। अस्तु नामायमपि पन्थाः। पूर्वोक्तस्य गीताशास्त्रार्थस्योत्प्रेक्षामात्रमूलत्वं निराकर्तुं मन्त्रद्वयं भगवानानीतवानिति श्लोकद्वयस्य संगतिं दर्शयति<br /> शोकमोहादीति।<br /> तत्र प्रथममन्त्रस्य संगतिमाह<br /> यत्त्विति।<br /> प्रत्यक्षनिबन्धनत्वादमुष्या बुद्धेर्मृषात्वमयुक्तमित्याक्षिपति<br /> कथमिति।<br /> प्रत्यक्षस्याज्ञानप्रसूतत्वेनाभासत्वात्तत्कृता बुद्धिर्न प्रमेति परिहरति<br /> य एनमिति।<br /> हन्ता चेन्मन्यते हन्तुम् इत्याद्यामृचमर्थतो दर्शयित्वा व्याचष्टे<br /> य<br /> एनमिति।<br /> हन्तारं हतं वात्मानं मन्यमानस्य कथमज्ञानमित्याशङ्क्याह<br /> हन्ताहमिति।<br /> हन्तृत्वादिज्ञानमज्ञानमित्यत्र हेतुमाह<br /> यस्मादिति।<br /> आत्मनो हननं प्रति कर्तृत्वकर्मत्वयोरभावे हेतुं दर्शयति<br /> अविक्रियत्वादिति।</div>

imported>Vij