https://iks.bhu.edu.in/index.php?action=history&feed=atom&title=Sbg_2.12_scanand 2026-04-11T04:57:46Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_2.12_scanand&diff=3958&oldid=prev 2025-12-03T11:52:56Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।2.12।।नित्यत्वमशोच्यत्वे कारणमिति सूचितं विवेचयितुं प्रश्नपूर्वकं प्रतिजानीते<br /> कुत इत्यादिना।<br /> नित्यत्वमसिद्धं प्रमाणाभावादिति चोदयति<br /> कथमिति।<br /> आत्मा न जायते प्रागभावशून्यत्वान्नरविषाणवदिति परिहरति<br /> नत्वेवेति।<br /> किंचात्मा नित्यो भावत्वे सत्यजातत्वाद्व्यतिरेके घटवदित्यनुमानान्तरमाह<br /> नचैवेति।<br /> यत्तु कैश्चिदात्मयाथात्म्यं जिज्ञासितं भगवानुपदिशति नत्वित्यादिना श्लोकचतुष्टयेनेत्यादिष्टं तदसत् विशेषवचने हेत्वभावात् सर्वत्रैवात्मयाथात्म्यप्रतिपादनाविशेषादित्याशयेनपदच्छेदः पदार्थोक्तिर्विग्रहो वाक्ययोजना इति त्रितयमपि व्याख्यानाङ्गं प्रतिपादयति<br /> नत्वित्यादिना।<br /> नन्वात्मनो देहोत्पत्तिविनाशयोरुत्पत्तिर्विनाशप्रसिद्धेरुक्तमनुमानद्वयं प्रसिद्धिविरुद्धतया कालात्ययापदिष्टमिष्टमिति नेत्याह<br /> अतीतेष्विति।<br /> चराचरव्यपाश्रयस्तु स्यात् इति न्यायेनात्मनो जन्मविनाशप्रसिद्धेरौपाधिकजन्माविनाशाविषयत्वान्निरुपाधिकस्य तस्य जन्मादिराहित्यमिति भावः। यद्यपि तवेश्वरस्य जन्मराहित्यं तथापि कथं ममेत्याशङ्क्याह<br /> तथेति।<br /> तथापि भीष्मादीनां कथं जन्माभावस्तत्राह<br /> तथाच नेम इति।<br /> द्वितीयमनुमानं प्रपञ्चयन्नुत्तरार्धं व्याचष्टे<br /> तथेत्यादिना।<br /> ननु देहोत्पत्तिविनाशयोरात्मनो जन्मनाशाभावेऽपि महास्वर्गमहाप्रलययोस्तस्याग्निविस्फुलिङ्गदृष्टान्तश्रुत्या जन्मविनाशावेष्टव्यावित्याशङ्क्यनात्मा श्रुतेः इति न्यायेन परिहरति<br /> त्रिष्वपीति।<br /> यावद्विकारं तु विभागो लोकवत् इति न्यायेन भिन्नत्वाद्विकारित्वमात्मनामनुमीयते भिन्नत्वं च बहुवचनप्रयोगप्रमितमित्याशङ्क्याह<br /> देहेति।</div>

imported>Vij