https://iks.bhu.edu.in/index.php?action=history&feed=atom&title=Sbg_18.6_scanand 2026-04-08T22:55:09Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_18.6_scanand&diff=19918&oldid=prev 2025-12-04T10:05:05Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।18.6।।प्रतिज्ञातमर्थमुपसंहरति --<br /> एतान्यपीति।<br /> उपसंहारश्लोकाक्षराणि व्याकरोति --<br /> एतानीत्यादिना।<br /> अक्षरार्थमुक्त्वा तात्पर्यार्थमाह --<br /> निश्चयमिति।<br /> प्रकृतार्थोपसंहारे गमकमाह --<br /> एतान्यपीति।<br /> अपिशब्दस्य विवक्षितमर्थं दर्शयति --<br /> सासङ्गस्येति।<br /> व्यावर्त्यं कीर्तयति --<br /> नत्विति।<br /> एतान्यपीत्यादिवाक्यं न नित्यकर्मविषयमिति मतमुपन्यस्यति --<br /> अन्य इति।<br /> न चेदिदं नित्यकर्मविषयं किंविषयं तर्हीत्याशङ्क्य वाक्यमवतार्य व्याकरोति --<br /> एतानीत्यादिना।<br /> नित्यानामफलत्वमुपेत्य यच्चोद्यं तदयुक्तमिति दूषयति --<br /> तदसदिति।<br /> यत्तु काम्यान्यपि कर्तव्यानीति तन्निरस्यति --<br /> नित्यान्यपीति।<br /> किञ्च काम्यानां भगवता निन्दितत्वान्न तेषु मुमुक्षोरनुष्ठानमित्याह --<br /> दूरेणेति।<br /> किञ्च मुमुक्षोरपेक्षितमोक्षापेक्षया विरुद्धफलत्वात्काम्यकर्मणां न तेषु तस्यानुष्ठानमित्याह --<br /> यज्ञार्थादिति।<br /> काम्यानां बन्धहेतुत्वं निश्चितमित्यत्रैव पूर्वोत्तरवाक्यानुकूल्यं दर्शयति --<br /> त्रैगुण्येति।<br /> किञ्च पूर्वश्लोके यज्ञादिनित्यकर्मणां प्रकृतत्वादेतच्छब्देन संनिहितवाचिना परामर्शात्काम्यकर्मणां चकाम्यानां कर्मणाम् इति व्यवहितानां संनिहितपरामर्शकैतच्छब्दाविषयत्वान्न काम्यकर्माण्येतान्यपीति व्यपदेशमर्हतीत्याह --<br /> दूरेति।</div>

imported>Vij