https://iks.bhu.edu.in/index.php?action=history&feed=atom&title=Sbg_18.54_scram 2026-05-19T04:21:12Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_18.54_scram&diff=21262&oldid=prev 2025-12-04T10:15:51Z

<p>Added {content_identifier} content</p> <p><b>New page</b></p><div>Sanskrit Commentary By Sri Ramanuja<br /> ।।18.54।।ब्रह्मभूतः आविर्भूतापरिच्छिन्नज्ञानैकाकारमच्छेषतैकस्वभावात्मस्वरूपः।इतस्त्वन्यां प्रकृतिं विद्धि मे पराम्। (गीता 7।5) इति हि स्वशेषता उक्ता।<br /> प्रसन्नात्मा<br /> क्लेशकर्मादिभिः अकलुषस्वरूपो मद्व्यतिरिक्तं<br /> न<br /> कञ्चन भूतविशेषं प्रति<br /> शोचति<br /> न कञ्चन<br /> काङ्क्षति<br /> अपि तु मद्व्यतिरिक्तेषु<br /> सर्वेषु भूतेषु<br /> अनादरणीयतायां<br /> समो<br /> निखिलं वस्तुजातं तृणवत् मन्यमानो<br /> मद्भक्तिं लमते पराम्।मयि सर्वेश्वरे निखिलजगदुद्भवस्थितिप्रलयलीले निरस्तसमस्तहेयगन्धे अनवधिकातिशयासंख्येयकल्याणगुणगणैकताने लावण्यामृतसागरे श्रीमति पुण्डरीकनयने स्वस्वामिनि अत्यर्थप्रियानुभवरूपां परां भक्तिं लभते।तत्फलम् आह --</div>

imported>Vij