https://iks.bhu.edu.in/index.php?action=history&feed=atom&title=Sbg_18.53_scanand 2026-05-19T03:26:09Z Revision history for this page on the wiki MediaWiki 1.44.3 https://iks.bhu.edu.in/index.php?title=Sbg_18.53_scanand&diff=21235&oldid=prev 2025-12-04T10:15:39Z

<p>Added {content_identifier} content</p> <p><b>New page</b></p><div>Sanskrit Commentary By Sri Anandgiri<br /> ।।18.53।।ज्ञाननिष्ठस्य यतेर्विशेषणान्तरं समुच्चिनोति --<br /> किञ्चेति।<br /> नित्यं ध्यानयोगपरत्वे समुच्चितं कारणान्तरं विवृणोति --<br /> अहंकरणमिति।<br /> सामर्थ्यमात्रे बलशब्दादुपलभ्यमाने किमिति विशेषवचनमित्याशङ्क्याह --<br /> स्वाभाविकत्वेनेति।<br /> उक्तेर्थे मानमाह --<br /> हृष्ट इति।<br /> वैराग्यशब्देन लब्धस्यापि कामत्यागस्य पुनर्वचनं प्रकृष्टत्वख्यापनार्थम्। अहंकारादित्यागे परिग्रहप्राप्त्यभावात्तत्त्यागोक्तिरयुक्तेत्याशङ्क्याह --<br /> इन्द्रियेति।<br /> परिग्रहाभावे ममत्वविषयाभावान्निर्ममत्वं कथमित्याशङ्क्याह --<br /> देहेति।<br /> अहंकारममकारयोरभावेन प्राप्तामन्तःकरणोपरतिमनुवदति --<br /> अतएवेति।<br /> उक्तमनूद्य जीवन्नेवासौ ब्रह्मीभवतीति फलितमाह --<br /> यः संहृतेति।<br /> ज्ञाननिष्ठपदादूर्ध्वं स शब्दो द्रष्टव्यः। ब्रह्मणो भवनमनुसन्धानपरिपाकपर्यन्तं साक्षात्करणं तदर्थमिति यावत्।</div>

imported>Vij